قدم قدم پہ کسی امتحاں کی زد میں ہے — آفتاب حسین
شاعر
قدم قدم پہ کسی امتحاں کی زد میں ہے
قدم قدم پہ کسی امتحاں کی زد میں ہے
زمین اب بھی کہیں آسماں کی زد میں ہے
ہر ایک گام الجھتا ہوں اپنے آپ سے میں
وہ تیر ہوں جو خود اپنی کماں کی زد میں ہے
وہ بحر ہوں جو خود اپنے کنارے چاٹتا ہے
وہ لہر ہوں کہ جو سیل رواں کی زد میں ہے
میں اپنی ذات پہ اصرار کر رہا ہوں مگر
یقیں کا کھیل مسلسل گماں کی زد میں ہے
مرے وجود کے اندر اترتا جاتا ہے
ہے کوئی زہر جو میری زباں کی زد میں ہے
لگی ہوئی ہے نظر آنے والے منظر پر
مگر یہ دل کہ ابھی رفتگاں کی زد میں ہے
یہی نہیں کہ فقط رزق خواب بند ہوا
گدائے کوئے ہنر بھی سگاں کی زد میں ہے
افق افق جو مرے نور کا غبار اڑا
یہ کائنات مرے خاکداں کی زد میں ہے
آفتاب حسین
Qadam qadam pe kisi imtehan ki zad mein hai
Qadam qadam pe kisi imtehan ki zad mein hai
Zameen ab bhi kahin aasman ki zad mein hai
Har ek gaam ulajhta hoon apne aap se main
Woh teer hoon jo khud apni kamaan ki zad mein hai
Woh bahr hoon jo khud apne kinare chaaṭta hai
Woh lahar hoon ke jo sail-e-rawan ki zad mein hai
Main apni zaat pe israr kar raha hoon magar
Yaqeen ka khel musalsal gumaan ki zad mein hai
Mere wajood ke andar utarta jaata hai
Hai koi zehar jo meri zabaan ki zad mein hai
Lagi hui hai nazar aane wale manzar par
Magar yeh dil ke abhi raftagaan ki zad mein hai
Yehi nahin ke faqat rizq-e-khwab band hua
Gada-e-kuye hunar bhi sagan ki zad mein hai
Ufaq ufaq jo mere noor ka ghubar uṛa
Yeh kainat mere khaakdan ki zad mein hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں