قدم قدم یہاں درپیش تازہ مسئلہ ہے — آفتاب حسین
شاعر
قدم قدم یہاں درپیش تازہ مسئلہ ہے
قدم قدم یہاں درپیش تازہ مسئلہ ہے
سو کس سے جا کے کہیں کیا ہمارا مسئلہ ہے
گلہ نہیں ہے تغافل کا اس نظر سے مگر
توجہ اتنی نہیں ہم پہ جتنا مسئلہ ہے
کرے گا کیا کوئی حل زندگی کے مسئلوں کا
ارے یہ زندگی خود اک طرح کا مسئلہ ہے
کبھی جو پوچھا ہمارا بھی حل نکل سکے گا
تو مسکرا کے کہا اک ذرا سا مسئلہ ہے
سمجھ میں اپنی جو آئے تو کچھ بتایا بھی جائے
کہ کیا معاملہ ہے اور کیسا مسئلہ ہے
کبھی ادھر کو بھی نکلو تو مل کے پورا کریں
بہت دنوں سے اک آدھا ادھورا مسئلہ ہے
یہاں بھی ٹوٹتے ہیں سر پہ آسماں کیا کیا
نئی زمین ہے لیکن پرانا مسئلہ ہے
آفتاب حسین
Qadam qadam yahan darpesh taaza masla hai
Qadam qadam yahan darpesh taaza masla hai
So kis se ja ke kahin kya hamara masla hai
Gila nahin hai taghaful ka us nazar se magar
Tawajjuh itni nahin hum pe jitna masla hai
Karega kya koi hal zindagi ke maslon ka
Are yeh zindagi khud ek tarah ka masla hai
Kabhi jo poocha hamara bhi hal nikal sakega
To muskura ke kaha ek zara sa masla hai
Samajh mein apni jo aaye to kuch bataya bhi jaaye
Ke kya mu'amla hai aur kaisa masla hai
Kabhi idhar ko bhi niklo to mil ke poora karein
Bahut dinon se ek aadha adhura masla hai
Yahan bhi toot-te hain sar pe aasman kya kya
Nayi zameen hai lekin purana masla hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں