راستہ خواب کے اندر سے نکلتا ہوا تھا — آفتاب حسین
شاعر
راستہ خواب کے اندر سے نکلتا ہوا تھا
راستہ خواب کے اندر سے نکلتا ہوا تھا
کوئی کیا خواب کے اندر سے نکلتا ہوا تھا
وہ مہک تھی کہ مجھے نیند سی آنے لگی تھی
پھول سا خواب کے اندر سے نکلتا ہوا تھا
یہ کسی خواب کا احوال نہیں ہے کہ میں خواب
دیکھتا خواب کے اندر سے نکلتا ہوا تھا
خواب تھے جیسے پرندوں نے پرے باندھے ہوں
سلسلہ خواب کے اندر سے نکلتا ہوا تھا
مجھ کو دنیا کے سمجھنے میں ذرا دیر لگی
میں ذرا خواب کے اندر سے نکلتا ہوا تھا
نظر اٹھتی تھی جدھر بھی مری منظر منظر
زاویہ خواب کے اندر سے نکلتا ہوا تھا
وہ نکلتا ہوا تھا خواب کدے سے اپنے
خواب تھا خواب کے اندر سے نکلتا ہوا تھا
اک سرا جا کے پہنچتا تھا تری یادوں تک
دوسرا خواب کے اندر سے نکلتا ہوا تھا
کیا بتاؤں کوئی ایمان کہاں لائے گا
کہ خدا خواب کے اندر سے نکلتا ہوا تھا
صبح جب آنکھ کھلی لوگوں کی لوگوں پہ کھلا
جو بھی تھا خواب کے اندر سے نکلتا ہوا تھا
آفتاب حسین
Raasta khwaab ke andar se nikalta hua tha
Raasta khwaab ke andar se nikalta hua tha
Koi kya khwaab ke andar se nikalta hua tha
Woh mehak thi ke mujhe neend si aane lagi thi
Phool sa khwaab ke andar se nikalta hua tha
Yeh kisi khwaab ka ahwaal nahin hai ke main khwaab
Dekhta khwaab ke andar se nikalta hua tha
Khwaab thhe jaise parindon ne pare baandhe hon
Silsila khwaab ke andar se nikalta hua tha
Mujh ko duniya ke samajhne mein zara der lagi
Main zara khwaab ke andar se nikalta hua tha
Nazar uthti thi jidhar bhi meri manzar manzar
Zaaviya khwaab ke andar se nikalta hua tha
Woh nikalta hua tha khwaab-kade se apne
Khwaab tha khwaab ke andar se nikalta hua tha
Ek sira ja ke pahunchta tha teri yaadon tak
Doosra khwaab ke andar se nikalta hua tha
Kya bataaon koi imaan kahaan laaye ga
Ke Khuda khwaab ke andar se nikalta hua tha
Subh jab aankh khuli logon ki logon pe khula
Jo bhi tha khwaab ke andar se nikalta hua tha
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں