رنگ سے اڑتے ہیں اور روشنی آواز میں ہے — آفتاب حسین
شاعر
رنگ سے اڑتے ہیں اور روشنی آواز میں ہے
رنگ سے اڑتے ہیں اور روشنی آواز میں ہے
تیری آواز بھی شامل مری آواز میں ہے
ہائے وہ حسن کہ کھولے سے بھی کھلنے کا نہیں
کبھی تصویر کی صورت کبھی آواز میں ہے
دل کے خاموش سمندر میں اٹھی پھر کوئی لہر
اور ایک شکل سی بنتی ہوئی آواز میں ہے
بات کرنے کو زباں کھولی جب اس نے تو کھلا
اپنا اپنا سا کوئی اجنبی آواز میں ہے
نبض ایام کی اس لرزش پیہم کا سبب
یا مرے ساز میں ہے یا تری آواز میں ہے
کبھی ہاتھ آئے تو چھو کر بھی اسے دیکھا جائے
کوئی خوشبو ہے کہ اڑتی ہوئی آواز میں ہے
بات کرتا ہوں جھجھکتا ہوں ٹھہر جاتا ہوں
شبہ سا ہے کہ کمی کچھ مری آواز میں ہے
ایک ہی بات ہے دیکھو مجھے یا مجھ کو سنو
میرا بکھراؤ مری گونجتی آواز میں ہے
آفتاب حسین
Rang se udte hain aur roshni awaz mein hai
Rang se udte hain aur roshni awaz mein hai
Teri awaz bhi shamil meri awaz mein hai
Haaye woh husn ke khule se bhi khulne ka nahin
Kabhi tasveer ki soorat kabhi awaz mein hai
Dil ke khamosh samandar mein uthi phir koi lehar
Aur ek shakal si banti hui awaz mein hai
Baat karne ko zaban kholi jab us ne to khula
Apna apna sa koi ajnabi awaz mein hai
Nabz-e-ayyam ki us larzish-e-paiham ka sabab
Ya mere saaz mein hai ya teri awaz mein hai
Kabhi hath aaye to chhoo kar bhi use dekha jaaye
Koi khushboo hai ke udti hui awaz mein hai
Baat karta hoon jhijjhakta hoon thehar jata hoon
Shuba sa hai ke kami kuch meri awaz mein hai
Ek hi baat hai dekho mujhe ya mujh ko suno
Mera bikhrao meri goonjti awaz mein hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں