شام تھی اور کوئی گھر سے نکلتا ہوا تھا — آفتاب حسین
شاعر
شام تھی اور کوئی گھر سے نکلتا ہوا تھا
شام تھی اور کوئی گھر سے نکلتا ہوا تھا
منظر اک اور ہی منظر سے نکلتا ہوا تھا
سامنے بیٹھا تھا وہ آتشیں رخسار لیے
اور دھواں تھا کہ مرے سر سے نکلتا ہوا تھا
مجھ میں بھی جیسے کوئی سنسنی سی دوڑتی تھی
اور وہ بھی کہیں اندر سے نکلتا ہوا تھا
رات جس وقت چراغوں کی لویں کانپتی تھیں
کوئی سایہ مرے بستر سے نکلتا ہوا تھا
جانے کس لمس کی لذت تھی مرے ہاتھوں میں
ایک پیکر تھا کہ پتھر سے نکلتا ہوا تھا
میرے خوابوں کے اندھیروں سے الجھنے کے لیے
اک ستارہ تھا کہ محور سے نکلتا ہوا تھا
کوئی لمحہ تھا کہ جو تھام رہا تھا مجھ کو
اور میں وقت کے چکر سے نکلتا ہوا تھا
آفتاب حسین
Shaam thi aur koi ghar se nikalta hua tha
Shaam thi aur koi ghar se nikalta hua tha
Manzar ek aur hi manzar se nikalta hua tha
Samne baitha tha woh aatishin rukhsar liye
Aur dhuaan tha ke mere sar se nikalta hua tha
Mujh mein bhi jaise koi sansani si daudti thi
Aur woh bhi kahin andar se nikalta hua tha
Raat jis waqt chiraghon ki lauven kaanpti thin
Koi saya mere bistar se nikalta hua tha
Jaane kis lams ki lazzat thi mere haathon mein
Ek paikar tha ke patthar se nikalta hua tha
Mere khwabon ke andheron se ulajhne ke liye
Ek sitara tha ke mehwar se nikalta hua tha
Koi lamha tha ke jo tham raha tha mujh ko
Aur main waqt ke chakkar se nikalta hua tha
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں