شب سیاہ پہ وا روشنی کا باب تو ہو — آفتاب حسین
شاعر
شب سیاہ پہ وا روشنی کا باب تو ہو
شب سیاہ پہ وا روشنی کا باب تو ہو
مگر یہ شرط ہے کوئی ستارہ یاب تو ہو
میں حرف بن کے تری روح میں اتر جاؤں
مرا سخن تری محفل میں باریاب تو ہو
سواد شب کے سفر میں ستارہ وار چلوں
ترے جمال کی لو میری ہم رکاب تو ہو
کسی طرح تو گھٹے دل کی بے قراری بھی
چلو وہ چشم نہیں کم سے کم شراب تو ہو
اساس جسم اٹھاؤں نئے سرے سے مگر
یہ سوچتا ہوں کہ مٹی مری خراب تو ہو
وہ آفتابؔ لب بام بھی اتر آئے
مگر کسی میں اسے دیکھنے کی تاب تو ہو
آفتاب حسین
Shab-e-siyah pe waa roshni ka baab to ho
Shab-e-siyah pe waa roshni ka baab to ho
Magar yeh shart hai koi sitara yaab to ho
Main harf ban ke teri rooh mein utar jaaun
Mera sukhan teri mehfil mein baar-yaab to ho
Sawaad-e-shab ke safar mein sitara waar chaloon
Tere jamaal ki lau meri ham-rikaab to ho
Kisi tarah to ghate dil ki be-qarari bhi
Chalo woh chashm nahin kam se kam sharaab to ho
Asaas-e-jism uthaaoon naye sire se magar
Yeh sochta hoon ke mitti meri kharab to ho
Woh Aftaab lab-e-baam bhi utar aaye
Magar kisi mein use dekhne ki taab to ho
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں