طلب کچھ بھی نہیں اور تلملاہٹ ہوتی رہتی ہے — آفتاب حسین
شاعر
طلب کچھ بھی نہیں اور تلملاہٹ ہوتی رہتی ہے
طلب کچھ بھی نہیں اور تلملاہٹ ہوتی رہتی ہے
ہوا ساکن ہے لیکن سرسراہٹ ہوتی رہتی ہے
کوئی آتا نہیں شاید کسی کو بھی نہیں آنا
مگر سارے میں جیسے کوئی آہٹ ہوتی رہتی ہے
طلب ہوتی ہے مطلب ہے کسی کی یاد آتی ہے
بدن دکھتا ہے یعنی کسمساہٹ ہوتی رہتی ہے
کئی چولے بدل کر آتے ہیں بھوچال اس دل میں
یہ وہ دھرتی ہے جو دن رات تلپٹ ہوتی رہتی ہے
سفر میں تو سکوں کا سائباں کیا سر پہ ہونا تھا
چھپر کھٹ میں بھی رہ کر چھٹ پٹاہٹ ہوتی رہتی ہے
جہاں بھی رہتے ہیں ہم کچھ نہ کچھ کرتے ہی رہتے ہیں
کھچاوٹ چلتی رہتی ہے لگاوٹ ہوتی رہتی ہے
آفتاب حسین
Talab kuch bhi nahin aur talmilahat hoti rehti hai
Talab kuch bhi nahin aur talmilahat hoti rehti hai
Hawa saakin hai lekin sarsarahat hoti rehti hai
Koi aata nahin shayad kisi ko bhi nahin aana
Magar saare mein jaise koi aahat hoti rehti hai
Talab hoti hai matlab hai kisi ki yaad aati hai
Badan dukhta hai yaani kismisahat hoti rehti hai
Kai chole badal kar aate hain bhoonchal is dil mein
Ye woh dharti hai jo din raat talpat hoti rehti hai
Safar mein to sukoon ka saiban kya sar pe hona tha
Chhappar khat mein bhi rah kar chhatpat'ahat hoti rehti hai
Jahan bhi rehte hain hum kuch na kuch karte hi rehte hain
Khichawat chalti rehti hai lagawat hoti rehti hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں