تلاش کرتا ہے ہر شے میں کوئی دوسری چیز — آفتاب حسین
شاعر
تلاش کرتا ہے ہر شے میں کوئی دوسری چیز
تلاش کرتا ہے ہر شے میں کوئی دوسری چیز
جو غور کیجیے تو آدمی بھی ہے بڑی چیز
مرے بھی کام تو آیا ی عالم اشیا
اگرچہ تھی مجھے درکار اور ہی کوئی چیز
اگر زمیں کی یہ گردش ٹھہر بھی جائے تو کیا
مرے دماغ میں ہے کوئی گھومتی ہوئی چیز
خرید پائیں نہ پائیں نظر تو ڈالتے جائیں
دکان دہر میں رکھی ہے کیسی کیسی چیز
ہمارے دل میں ہے جو کچھ تمھارے سامنے ہے
دکھاؤ اب ہمیں تم بھی تو کوئی اپنی چیز
ہم اپنے نشہ میں ہیں اور بہکتے جائیں گے
پڑی رہے گی یوںہی طاق پر دھری ہوئی چیز
خمیر خواب سے دنیا بناتا رہتا ہوں
مرے بھی ہاتھ لگی ہے یہ کیا کمال کی چیز
چپک کے رہ گئی تالو سے تلخیٔ ایام
کہاں سے ڈھونڈھ کے لاؤں میں کوئی میٹھی چیز
یہ زندگی کبھی آ کر وصول کر لیجے
بہت دنوں سے امانت پڑی ہے آپ کی چیز
آفتاب حسین
Talash karta hai har shai mein koi doosri cheez
Talash karta hai har shai mein koi doosri cheez
Jo ghaur kijiye to aadmi bhi hai badi cheez
Mere bhi kaam to aaya ye aalam-e-ashya
Agarche thi mujhe darkaar aur hi koi cheez
Agar zameen ki yeh gardish thahar bhi jaaye to kya
Mere dimagh mein hai koi ghoomti hui cheez
Khareed paayein na paayein nazar to daalte jaayein
Dukaan-e-dahr mein rakhi hai kaisi kaisi cheez
Hamare dil mein hai jo kuch tumhare saamne hai
Dikhao ab hamein tum bhi to koi apni cheez
Hum apne nasha mein hain aur bahakte jaayein ge
Padi rahegi yunhi taaq par dhari hui cheez
Khameer-e-khwab se duniya banata rahta hoon
Mere bhi haath lagi hai yeh kya kamaal ki cheez
Chapuk ke rah gayi taalu se talkhi-e-ayyaam
Kahan se dhoondh ke laaun main koi meethi cheez
Yeh zindagi kabhi aa kar vasool kar leejiye
Bahut dinon se amanat padi hai aap ki cheez
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں