طلسم خانۂ صوت و صدا میں کچھ بھی نہ تھا — آفتاب حسین
شاعر
طلسم خانۂ صوت و صدا میں کچھ بھی نہ تھا
طلسم خانۂ صوت و صدا میں کچھ بھی نہ تھا
فقط ہوا تھی وہاں اور ہوا میں کچھ بھی نہ تھا
خود اپنے آپ سے ٹکرا کے لوٹتی تھی نظر
نگاہ اٹھی تو حیرت سرا میں کچھ بھی نہ تھا
ہم اس کے پاس پہنچ کر تہی تمنا تھے
تھکن تھی اور دل بے مدعا میں کچھ بھی نہ تھا
خلیج تھی کبھی مابین پھر خلا تھا فقط
خلیج میں تو خلا تھا خلا میں کچھ بھی نہ تھا
وہ ایک نام کہ مثل دعا تھا اپنے لیے
ہمارے نام کا اس کی دعا میں کچھ بھی نہ تھا
عذاب و مہر سے آگے نکل گیا ہوں میں
کہ اس کشاکش بیم و رجا میں کچھ بھی نہ تھا
آفتاب حسین
Tilism-khana-e-saut o sada mein kuch bhi na tha
Tilism-khana-e-saut o sada mein kuch bhi na tha
Faqat hawa thi wahan aur hawa mein kuch bhi na tha
Khud apne aap se takra ke lauTTi thi nazar
Nigah uThi to hairat-sara mein kuch bhi na tha
Hum us ke paas pahunch kar tahi tamanna the
Thakan thi aur dil be-muddaa mein kuch bhi na tha
Khalij thi kabhi mabeen phir khala tha faqat
Khalij mein to khala tha khala mein kuch bhi na tha
Woh ek naam ke misl-e-dua tha apne liye
Hamare naam ka us ki dua mein kuch bhi na tha
Azaab o mehar se aage nikal gaya hoon main
Ke is kashakash-e-beem o raja mein kuch bhi na tha
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں