وجود کا انحصار گو خاک پر نہیں تھا — آفتاب حسین
شاعر
وجود کا انحصار گو خاک پر نہیں تھا
وجود کا انحصار گو خاک پر نہیں تھا
مگر میں اپنی زمیں سے بے خبر نہیں تھا
عجب طرح کا طلسم تھا اس مفارقت میں
بدن لرزتا تھا اور آنکھوں میں ڈر نہیں تھا
لہو سے میں نے دیے کی لو سرفراز رکھی
وہاں جہاں پر ہواؤں کا بھی گزر نہیں تھا
مگر بہت دیر بعد جا کر خبر ہوئی تھی
وہ میرے ہم راہ تھا مرا ہم سفر نہیں تھا
سو میں نے آخر لرزتا پتا ہدف بنایا
کہ وہ پرندہ تو آج بھی شاخ پر نہیں تھا
آفتاب حسین
Wajood ka inhisaar go khaak par nahin tha
Wajood ka inhisaar go khaak par nahin tha
Magar main apni zameen se be-khabar nahin tha
Ajab tarah ka tilism tha us mufaaraqat mein
Badan larazta tha aur aankhon mein dar nahin tha
Lahu se main ne diye ki low sarfaraz rakkhi
Wahaan jahaan par hawaaon ka bhi guzar nahin tha
Magar bahut der baad ja kar khabar hui thi
Woh mere ham-raah tha mera ham-safar nahin tha
So main ne aakhir larazta patta hadaf banaya
Ke woh parinda to aaj bhi shaakh par nahin tha
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں