یقیں سے دور بہت دور اور گمان سے باہر — آفتاب حسین
شاعر
یقیں سے دور بہت دور اور گمان سے باہر
یقیں سے دور بہت دور اور گمان سے باہر
عجیب واقعہ تھا کوئی داستان سے باہر
وہی فضا کہ جہاں میں نے گرد اڑائی نہیں تھی
وہی فلک کہ تھا اب تک مری اڑان سے باہر
میں اس جگہ ہوں جہاں پر مرا گماں بھی نہیں ہے
سو ڈھونڈیئے مجھے جا کر مرے نشان سے باہر
چمک اٹھا تھا کوئی خواب سبز سنگ کے سر میں
نکل رہا تھا کوئی پھول سا چٹان سے باہر
ستارہ سا کہ ترے دھیان سے الجھنے لگا تھا
اٹھا کے پھینک دیا ہم نے آسمان سے باہر
امیدواروں میں اک میں ہی تھا کہ اہل تھا اس کا
سو کر دیا ہے مجھے اس نے امتحان سے باہر
کسی کو آنا نہیں کوئی بھی نہیں ہے جو آتا
نکل کے دیکھتے رہتے ہو کیا مکان سے باہر
میں اپنی دھوپ میں جلتا تھا اور دیکھ رہا تھا
سلگ رہے تھے کئی سائے سائبان سے باہر
ہماری جان رکی ہے اسی کے دم سے لبوں پر
وہ ذائقہ جو پڑا رہ گیا زبان سے باہر
آفتاب حسین
Yaqeen se door bahut door aur guman se bahar
Yaqeen se door bahut door aur guman se bahar
Ajab waqia tha koi dastan se bahar
Wahi fiza ke jahan main ne gard udai nahin thi
Wahi falak ke tha ab tak meri udaan se bahar
Main us jagah hoon jahan par mera guman bhi nahin hai
So dhoondhiye mujhe ja kar mere nishan se bahar
Chamak utha tha koi khwab-e-sabz sang ke sar mein
Nikal raha tha koi phool sa chatan se bahar
Sitara sa ke tere dhyan se ulajhne laga tha
Utha ke phenk diya hum ne aasman se bahar
Umeedwaron mein ek main hi tha ke ahl tha us ka
So kar diya hai mujhe us ne imtihan se bahar
Kisi ko aana nahin koi bhi nahin hai jo aata
Nikal ke dekhte rahte ho kya makan se bahar
Main apni dhoop mein jalta tha aur dekh raha tha
Sulag rahe the kai saaye saiban se bahar
Hamari jaan rakhi hai isi ke dam se labon par
Woh zaaiqa jo pada rah gaya zuban se bahar
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں