یہی نہیں کہ یوںہی گرد اڑاتا رہتا ہوں — آفتاب حسین
شاعر
یہی نہیں کہ یوںہی گرد اڑاتا رہتا ہوں
یہی نہیں کہ یوںہی گرد اڑاتا رہتا ہوں
ہوا ہوں اور ہیولے بناتا رہتا ہوں
نظر میں نشہ ہے ان دیکھے منظروں کا بہت
سو چلتا رہتا ہوں اور لڑکھڑاتا رہتا ہوں
یہ کیسی دھن میں تھرکتا ہوں تھرتھراتا ہوا
یہ کون گیت ہے جو گنگناتا رہتا ہوں
میں وہ شجر ہوں جو ماحول کا نہیں پابند
ہوا چلے نہ چلے سرسراتا رہتا ہوں
جواز مانگیے مت مجھ سے میرے ہونے کا
یہی بہت ہے جو ہوتا ہواتا رہتا ہوں
پڑا ہوا ہوں پلندہ سا اپنے سامنے میں
اور اس پلندے کے پرزے اڑاتا رہتا ہوں
کھلے ہوئے ہیں کئی زخم سینہ و سر میں
سو مسکراتا ہوں ہنستا ہنساتا رہتا ہوں
کسی کے دل میں تو اب میری یاد کیا ہوگی
بس اپنے آپ کو ہی یاد آتا رہتا ہوں
گئے وہ دن کہ زمانے سے رسم و راہ نہ تھی
اب اس طرف بھی بہت آتا جاتا رہتا ہوں
کسی کے نام کی ڈفلی بجا کے دیکھ لیا
اب اپنے نام کا ڈنکا بجاتا رہتا ہوں
آفتاب حسین
Yehi nahin ke yun hi gard udata rahta hoon
Yehi nahin ke yun hi gard udata rahta hoon
Hawa hoon aur hewale banata rahta hoon
Nazar mein nasha hai un-dekhe manzaron ka bahut
So chalta rahta hoon aur ladkhadata rahta hoon
Ye kaisi dhun mein thirakta hoon thartharata hua
Ye kaun geet hai jo gungunata rahta hoon
Main woh shajar hoon jo mahaul ka nahin paband
Hawa chale na chale sarsarata rahta hoon
Jawaaz maangiye mat mujh se mere hone ka
Yehi bahut hai jo hota hua rahta hoon
Pada hua hoon pulande sa apne samne main
Aur us pulande ke purze udata rahta hoon
Khule hue hain kai zakhm seena o sar mein
So muskurata hoon hansta hansata rahta hoon
Kisi ke dil mein to ab meri yaad kya hogi
Bas apne aap ko hi yaad aata rahta hoon
Gaye woh din ke zamane se rasm-o-rah na thi
Ab is taraf bhi bahut aata jata rahta hoon
Kisi ke naam ki dafli baja ke dekh liya
Ab apne naam ka danka bajata rahta hoon
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں