زمیں کہیں نہیں ہے آسماں کوئی نہیں ہے — آفتاب حسین
شاعر
زمیں کہیں نہیں ہے آسماں کوئی نہیں ہے
زمیں کہیں نہیں ہے آسماں کوئی نہیں ہے
اب اس طرف کو رواں ہوں جہاں کوئی نہیں ہے
ترے کرم کی تو کچھ آس تھی فقیروں کو
جو تو نہیں ہے تو اے مہرباں کوئی نہیں ہے
کوئی کہیں سے اچانک نکل بھی سکتا ہے
ادھر بھی دیکھتے رہیے جہاں کوئی نہیں ہے
وہ لوگ خواب ہوئے جن کے دل دھڑکتے تھے
پکارتے ہو کسے اب یہاں کوئی نہیں ہے
گھرا ہوا ہوں بلاؤں میں آفتاب حسینؔ
کہیں نہیں کوئی جائے اماں کوئی نہیں ہے
آفتاب حسین
Zameen kahin nahi hai aasmaan koi nahi hai
Zameen kahin nahi hai aasmaan koi nahi hai
Ab us taraf ko rawaan hoon jahaan koi nahi hai
Tere karam ki to kuch aas thi faqiron ko
Jo tu nahi hai to ae mehrbaan koi nahi hai
Koi kahin se achaanak nikal bhi sakta hai
Idhar bhi dekhte rahiye jahaan koi nahi hai
Woh log khwaab hue jin ke dil dhaRakte the
Pukarte ho kise ab yahan koi nahi hai
Ghara hua hoon balaaon mein Aftab Hussain
Kahin nahi koi ja-e-amaan koi nahi hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں