زندگی کا زخم بھر نہیں سکا — آفتاب حسین
شاعر
زندگی کا زخم بھر نہیں سکا
زندگی کا زخم بھر نہیں سکا
جی رہا ہوں میں کہ مر نہیں سکا
بات کوئی تھی کہ بن نہیں سکی
کام کوئی تھا کہ کر نہیں سکا
اب وہی طرف ہے میرے چو طرف
جس طرف سے میں گزر نہیں سکا
پانیوں پہ کوئی پل تو تھا کہیں
میں ہی تھا کہ پاؤں دھر نہیں سکا
راستے رواں تھے میرے خون میں
میں کہیں قیام کر نہیں سکا
میں پہنچ گیا تھا ٹھیک وقت پر
اور وہ انتظار کر نہیں سکا
ایک عمر پر بھی آفتابؔ میں
اپنے آپ سے مکر نہیں سکا
آفتاب حسین
Zindagi ka zakhm bhar nahin saka
Zindagi ka zakhm bhar nahin saka
Jee raha hoon main ke mar nahin saka
Baat koi thi ke ban nahin saki
Kaam koi tha ke kar nahin saka
Ab wahi taraf hai mere chau taraf
Jis taraf se main guzar nahin saka
Paniyon pe koi pul to tha kahin
Main hi tha ke paon dhar nahin saka
Raaste rawaan the mere khoon mein
Main kahin qayaam kar nahin saka
Main pahunch gaya tha theek waqt par
Aur woh intezaar kar nahin saka
Ek umr par bhi Aftab! main
Apne aap se mukar nahin saka
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں