بقدر شوق جو اب ان کا آسرا نہ رہا — آل رضا رضا
شاعر
بقدر شوق جو اب ان کا آسرا نہ رہا
بقدر شوق جو اب ان کا آسرا نہ رہا
جئے تو جاتے ہیں جینے کا حوصلہ نہ رہا
اسی کو ہم نے منایا اسی کو چھیڑیں گے
خفا بھی ہو کے جو ہم سے بہت خفا نہ رہا
خیال میں بھی یہ آئے تو سانس رک جائے
کہ ہم سے ان سے محبت کا واسطہ نہ رہا
ہمیں کچھ ان سے تھے شکوے مگر اسی حد تک
کہ مسکرا کے سنا اور کوئی گلہ نہ رہا
غم فراق ذرا سی تو آس رہنے دے
کہیں ملے تو کہیں گے رضاؔ رضاؔ نہ رہا
آل رضا رضا
Ba-qadar-e-shauq jo ab un ka aasra na raha
Ba-qadar-e-shauq jo ab un ka aasra na raha
Jiyye to jaate hain jeene ka hausla na raha
Isi ko hum ne manaya isi ko chheṛenge
Khafa bhi ho ke jo hum se bahut khafa na raha
Khayal mein bhi yeh aaye to saans ruk jaaye
Ke hum se un se mohabbat ka wasta na raha
Hamein kuch un se thhe shikwe magar isi hadd tak
Ke muskura ke suna aur koi gila na raha
Gham-e-firaq zara si to aas rahne de
Kahin mile to kahenge Raza, Raza na raha
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں