کب پھول کھلیں شغل چھڑے جامہ دری کا — آل رضا رضا
شاعر
کب پھول کھلیں شغل چھڑے جامہ دری کا
کب پھول کھلیں شغل چھڑے جامہ دری کا
دیوانوں کو چسکہ ہے اسی خوش خبری کا
سوئے تھے سر شام کھلی پچھلے پہر آنکھ
منہ دیکھ کے اٹھے ہیں چراغ سحری کا
کچھ اپنی طرف میری نگاہوں سے بھی دیکھو
اس رخ سے بھی اک باب کھلے خود نگری کا
ناساز ہوائے پر پرواز نہ ہو جائے
موسم تو گیا خیر سے بے بال و پری کا
یہ چاند یہ سورج یہ اندھیرا یہ اجالا
منہ دیکھ رہا ہے سفری ہر سفری کا
قائم نہیں رہتی ہیں کسی شے پہ نگاہیں
اب کوئی ٹھکانا ہے پریشاں نظری کا
فطرت ہی سے ملتی ہے رضاؔ داد سخن بھی
جب فرض ادا ہوتا ہے پیغامبری کا
آل رضا رضا
Kab phool khilen shughl chhiṛe jama-dari ka
Kab phool khilen shughl chhiṛe jama-dari ka
Deewanon ko chaska hai isi khush-khabri ka
Soye thhe sar-e-sham khuli pichhle pehar aankh
Munh dekh ke uthhe hain chiragh-e-sehri ka
Kuch apni taraf meri nigahon se bhi dekho
Is rukh se bhi ek baab khule khud-nagari ka
Nasaz hawa-e-par parwaaz na ho jaaye
Mausam to gaya khair se be-baal-o-pari ka
Yeh chand yeh suraj yeh andhera yeh ujala
Munh dekh raha hai safri har safri ka
Qa'im nahin rehti hain kisi shai pe nigahen
Ab koi thikana hai pareshan-nazari ka
Fitrat hi se milti hai Raza daad-e-sukhan bhi
Jab farz ada hota hai payambari ka
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں