درماں ملا تو درد کا عنواں بدل گیا — آل رضا رضا
شاعر
درماں ملا تو درد کا عنواں بدل گیا
درماں ملا تو درد کا عنواں بدل گیا
آیا سمجھ میں درد تو درماں بدل گیا
ایسی بھی کیا نگاہ محبت سے دشمنی
پھولوں سمیت رنگ گلستاں بدل گیا
ساحل پہ لا کے ٹوٹی ہوئی ناؤ پھینک دی
کھا کر ترس ارادۂ طوفاں بدل گیا
کافر بنا کے کفر نوازی بھی چھوڑ دی
ایمان لے کے دشمن ایماں بدل گیا
محفل میں وہ تھے اور محبت پہ گفتگو
پہنچا جو میں تو بات کا عنواں بدل گیا
آزاد کر رہے ہیں زیارت اسیر کی
کس کے قدم سے عالم زنداں بدل گیا
تم تو بدل سکے نہ پریشانیٔ خیال
ہم کو رضاؔ خیال پریشاں بدل گیا
آل رضا رضا
Darman mila to dard ka unwan badal gaya
Darman mila to dard ka unwan badal gaya
Aaya samajh mein dard to darman badal gaya
Aisi bhi kya nigah-e-mohabbat se dushmani
Phoolon samet rang-e-gulistan badal gaya
Sahil pe la ke tooti hui naao phenk di
Kha kar taras irada-e-toofan badal gaya
Kafir bana ke kufr-nawazi bhi chhod di
Eeman le ke dushman-e-eeman badal gaya
Mehfil mein woh the aur mohabbat pe guftugu
Pahuncha jo main to baat ka unwan badal gaya
Azad kar rahe hain ziyarat-e-aseer ki
Kis ke qadam se aalam-e-zindan badal gaya
Tum to badal sake na pareshani-e-khayal
Hum ko Razaؔ khayal-e-pareshan badal gaya
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں