اک چاہ کی نگاہ کا افسانہ بن گیا — آل رضا رضا
شاعر
اک چاہ کی نگاہ کا افسانہ بن گیا
اک چاہ کی نگاہ کا افسانہ بن گیا
وہ انگلیاں اٹھیں کہ میں دیوانہ بن گیا
اپنے ہی دل کی بات ہے اپنے کئے کی لاج
کعبہ بنا رہا تھا میں بت خانہ بن گیا
اللہ رے بزم ناز تری ناشناسیاں
جس کو کیا سلام وہ بیگانہ بن گیا
چپکے سے ان کا نام لیا دل سے بات کی
یہ کون سن رہا تھا کہ افسانہ بن گیا
خلاق حسن و عشق بڑا دل نواز ہے
تخلیق شمع ہوتے ہی پروانہ بن گیا
دنیا کے تخت و تاج رضاؔ ٹھوکروں پہ ہیں
کیا چیز اپنا ٹھاٹھ فقیرانہ بن گیا
آل رضا رضا
Ek chah ki nigah ka afsana ban gaya
Ek chah ki nigah ka afsana ban gaya
Woh ungliyan utheen ke main deewana ban gaya
Apne hi dil ki baat hai apne kiye ki laaj
Ka'ba bana raha tha main but-khana ban gaya
Allah re bazm-e-naaz teri na-shinasaiyan
Jis ko kiya salam woh begana ban gaya
Chupke se un ka naam liya dil se baat ki
Yeh kaun sun raha tha ke afsana ban gaya
Khallaq-e-husn-o-ishq bada dil-nawaz hai
Takhleeq-e-shama hotay hi parwana ban gaya
Dunya ke takht-o-taj Razaؔ thokarron pe hain
Kya cheez apna thath faqeerana ban gaya
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں