پہونچی نہ دل کی بات حدود پیام تک — آل رضا رضا
شاعر
پہونچی نہ دل کی بات حدود پیام تک
پہونچی نہ دل کی بات حدود پیام تک
باقی ہیں ان پہ کتنے جواب سلام تک
بت خانہ ساز رنگ زمانہ ہے کس قدر
چھوڑا نہ اس نے کعبۂ عالی مقام تک
مانوس ہو رہے ہیں تری جلوہ گاہ سے
پہونچے ابھی ہیں منزل ماہ تمام تک
جب تک رہے وہ میری نگاہوں کے سامنے
ٹھہری نہ ایک رخ سے ادائے خرام تک
دل دے کے ان کو آپ سے ایسے گزر گئے
جیسے کہ ہم تھے صرف اسی انتظام تک
انجام کار شب کے اندھیرے میں لٹ گیا
رکھا تھا کیف صبح بچا کر جو شام تک
اس طرح کر رہے ہیں رضاؔ کا وہ تذکرہ
خالی نہیں ہے طنز سے حسن کلام تک
آل رضا رضا
Pahunche na dil ki baat hudood-e-payam tak
Pahunche na dil ki baat hudood-e-payam tak
Baqi hain un pe kitne jawab-e-salam tak
But-khana saaz rang-e-zamana hai kis qadar
Chhoda na us ne Ka'ba-e-aali maqam tak
Manoos ho rahe hain teri jalwa-gah se
Pahunche abhi hi hain manzil-e-mah-e-tamam tak
Jab tak rahe woh meri nigahon ke samne
Thehri na ek rukh se ada-e-khiram tak
Dil de ke un ko aap se aise guzar gaye
Jaise ke hum the sirf usi intizam tak
Anjam-e-kar shab ke andhere mein lut gaya
Rakha tha kaif-e-subh bacha kar jo sham tak
Is tarah kar rahe hain Razaؔ ka woh tazkira
Khali nahin hai tanz se husn-e-kalam tak
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں