قریب کچھ نہ ملا دور سے دھواں دیکھا — آل رضا رضا
شاعر
قریب کچھ نہ ملا دور سے دھواں دیکھا
قریب کچھ نہ ملا دور سے دھواں دیکھا
قفس سے چھوٹ کے کیا خوب آشیاں دیکھا
یہی ہے سیر فقیروں کی اور یہی فریاد
زمیں پہ بیٹھ گئے سوئے آسماں دیکھا
ہوئے تمام جو سجدے تھے دور کے آداب
یہاں سے اور ہے عالم کہ آستاں دیکھا
حصار کھینچ کے اپنے ہی دل کا بیٹھ رہے
زمانے بھر کو محبت سے بد گماں دیکھا
چمن چمن تری سیریں نظر بہار بہار
چٹک چٹک پڑے غنچے جہاں جہاں دیکھا
حریم ناز پہ وہ رنگ و نور کی بارش
حریم ناز میں کیا تھا یہ پھر کہاں دیکھا
رضاؔ نے دل کو سجا کر ترے تصور سے
جہان حسن میں اک حسن دو جہاں دیکھا
آل رضا رضا
Qareeb kuch na mila door se dhuaan dekha
Qareeb kuch na mila door se dhuaan dekha
Qafas se chhoot ke kya khoob aashiyan dekha
Yehi hai sair faqeerion ki aur yehi faryad
Zameen pe baith gaye su-e-aasman dekha
Huye tamam jo sajde the door ke aadab
Yahan se aur hai aalam ke aastan dekha
Hisar kheench ke apne hi dil ka baith rahe
Zamaane bhar ko mohabbat se bad-guman dekha
Chaman chaman teri sairen nazar bahar bahar
Chatak chatak pade ghunche jahan jahan dekha
Hareem-e-naaz pe woh rang-o-noor ki barish
Hareem-e-naaz mein kya tha yeh phir kahan dekha
Razaؔ ne dil ko saja kar tere tasawwur se
Jahan-e-husn mein ek husn do jahan dekha
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں