قسمت میں خوشی جتنی تھی ہوئی اور غم بھی ہے جتنا ہونا ہے — آل رضا رضا
شاعر
قسمت میں خوشی جتنی تھی ہوئی اور غم بھی ہے جتنا ہونا ہے
قسمت میں خوشی جتنی تھی ہوئی اور غم بھی ہے جتنا ہونا ہے
گھر پھونک تماشا دیکھ چکے اب جنگل جنگل رونا ہے
ہستی کے بھیانک نظارے ساتھ اپنے چلے ہیں دنیا سے
یہ خواب پریشاں اور ہم کو تا صبح قیامت سونا ہے
دم ہے کہ ہے اکھڑا اکھڑا سا اور وہ بھی نہیں آ چکتے ہیں
قسمت میں ہو مرنا یا جینا اب ہو بھی چکے جو ہونا ہے
دل ہی تو ہے آخر بھر آیا تم چیں بہ جبیں کیوں ہوتے ہو
ہم تم کو بھلا کچھ کہتے ہیں تقدیر کا اپنی رونا ہے
غم کاہے کا یارو ماتم کیا بدلو گے نظام عالم کیا
مرنا تھا رضاؔ کو مرتا ہے یہ کاہے کا رونا دھونا ہے
آل رضا رضا
Qismat mein khushi jitni thi hui aur gham bhi hai jitna hona hai
Qismat mein khushi jitni thi hui aur gham bhi hai jitna hona hai
Ghar phoonk tamasha dekh chuke ab jangal jangal rona hai
Hasti ke bhayanak nazzare saath apne chale hain duniya se
Yeh khwab pareshan aur hum ko ta subh-e-qayamat sona hai
Dam hai ke hai ukhda ukhda sa aur woh bhi nahin aa chuke hain
Qismat mein ho marna ya jeena ab ho bhi chuke jo hona hai
Dil hi toh hai aakhir bhar aaya tum cheen ba-jabeen kyun hote ho
Hum tum ko bhala kuch kehte hain taqdeer ka apni rona hai
Gham kahe ka yaaron maatam kya badloge nizaam-e-aalam kya
Marna tha Raza ko marta hai yeh kahe ka rona dhona hai
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں