رات گزری پھر اندھیرا چھا گیا — آل رضا رضا
شاعر
رات گزری پھر اندھیرا چھا گیا
رات گزری پھر اندھیرا چھا گیا
اپنا سورج دن چڑھے گہنا گیا
ہم نہ جانے کون عالم میں رہے
وقت کاٹا جی نہ بہلایا گیا
بس یہی تھا ان کو پتھر دل پہ ناز
ظلم فرمائیں ترس کیوں آ گیا
معرکہ آرا ہوئے تھے حسن و عشق
بیچ میں دل آ گیا مارا گیا
چودھویں کے چاند والی رات میں
چاند نکلا تھا کہ بادل چھا گیا
کیا سمجھ سکتے محبت کا فریب
یوں تو سمجھے جس قدر سمجھا گیا
ہم سر راہ وفا سنتے رہے
کہہ گیا اپنی سی ہر آیا گیا
آنے والا تھا اندھیرا رات کا
شام ہوتے دور تک سایا گیا
وضع خودداری نباہی تو مگر
اے رضاؔ دانتوں پسینہ آ گیا
آل رضا رضا
Raat guzri phir andhera chha gaya
Raat guzri phir andhera chha gaya
Apna suraj din chadhay ghanaya gaya
Hum na jane kaun aalam mein rahe
Waqt kaata jee na behlaya gaya
Bas yehi tha un ko patthar dil pe naaz
Zulm farmaaein taras kyun aa gaya
Ma'arka-aara hue thay husn-o-ishq
Beech mein dil aa gaya mara gaya
Chaudhween ke chand wali raat mein
Chand nikla tha ke badal chha gaya
Kya samajh sakte mohabbat ka fareb
Yun to samjhe jis qadar samjhaya gaya
Hum sar-e-rah-e-wafa sunte rahe
Keh gaya apni si har aaya gaya
Aane wala tha andhera raat ka
Sham hote door tak saaya gaya
Waza'-e-khuddari nibahi to magar
Ae Razaؔ daanton paseena aa gaya
شاعر کے بارے میں
سید آلِ رضا رضا (تخلص: رضاؔ) اردو کے معروف شاعر تھے جو 10 جون 1896ء کو اتر پردیش کے ضلع اناؤ کے قصبہ نبوتنی میں ایک علمی و معزز سادات گھرانے میں پیدا ہوئے۔ ان کے والد سید محمد رضا اودھ چیف کورٹ کے اولین ججوں میں شمار ہوتے تھے، جس سے ان کے خاندانی وقار اور علمی ماحول کا اندازہ ہوتا ہے۔ انہوں نے ابتدائی تعلیم کے بعد کنگ کالج لکھنؤ سے 1916ء میں بی ...
مکمل تعارف پڑھیں