الوداع — باقر مہدی
شاعر
الوداع
الوداع
کیسے ماہ و سال گزرے
اب نہ کچھ بھی یاد ہے
صرف ہیں دھندلے نقوش
یا بصارت کی کمی ہے
کچھ نظر آتا نہیں
بس کتابوں اور فلموں میں رہی
اک بصیرت کی تلاش
کچھ نہ کچھ روٹی کی بھی تھی جستجو
جانے کس منزل کی تھی وہ آرزو
بے سبب لوگوں سے یارانہ رہا
اور پھر تنہا رہا برسوں تلک
سب تھے قیدی اپنے اپنے جال کے
تمناؤں کی دلدل میں پڑے
کس میں ہمت تھی کہ بدلے زندگانی کے پرانے خول کو
ہم سے سرکش کو دیا کرتے تھے نام
اور ہنس کر خوش ہوا کرتے سارے اجنبی
کون سمجھائے کہ ہم محکوم ہیں مظلوم ہیں
بے بسی کیسے مقدر بن گئی
بولے گا کون
خوف ایسا ہے کہ کوئی شخص کچھ کہتا نہیں
جانے کس طوفان کے سب منتظر ہیں
بت بنے
کیسے چلاؤں کہ اپنا ہم نوا کوئی نہیں
الوداع خود اپنے سائے کو مگر
کہنا پڑا
باقر مہدی
Alvida
Alvida
Kaise maah-o-saal guzre
Ab na kuchh bhi yaad hai
Sirf hain dhundhle naqoosh
Ya basarat ki kami hai
Kuchh nazar aata nahin
Bas kitabon aur filmon mein rahi
Ek basirat ki talaash
Kuchh na kuchh roti ki bhi thi justujoo
Jaane kis manzil ki thi woh aarzoo
Be-sabab logon se yaarana raha
Aur phir tanha raha barson talak
Sab the qaidi apne apne jaal ke
Tamannaon ki daldal mein pade
Kis mein himmat thi ke badle zindagani ke purane khol ko
Hum se sarkash ko diya karte the naam
Aur hans kar khush hua karte saare ajnabi
Kaun samjhaye ke hum mehkoom hain mazloom hain
Be-basi kaise muqaddar ban gai
Bolega kaun
Khauf aisa hai ke koi shakhs kuchh kehta nahin
Jaane kis toofan ke sab muntazir hain
But bane
Kaise chalaoon ke apna ham-nawa koi nahin
Alvida khud apne saaye ko magar
Kehna pada
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں