لہروں کا آتش فشاں — باقر مہدی
شاعر
لہروں کا آتش فشاں
یہ آنسو بے سبب بنتے نہیں ہیں
انہیں تم صرف پانی کہہ کے مت ٹالو
بہت سے حادثے آئے مگر یہ سونامی لہریں
ہر آفت سے آگے ہیں ہمارے دل ہلا کر
آنسوؤں کا سیل بن کر بہہ رہا ہے
ہزاروں بے سہارا لوگ
یوں بھی مرنے والے تھے
مگر زیر زمیں پانی سمندر کی یہ لہریں
جسم کے ٹکڑے کو مٹی بنا کر کھا گئی ہیں
جسے سب زلزلے کا نام دیتے ہیں
آخر سمندر کی یہ لہریں زمیں کو چاک کر کے آئیں ہیں
اس طرح مٹی کو مٹی سے ملاتی ہیں
ہمارے اشک بہنے دو
کہ غم ہر گام رگ رگ میں سمایا ہے
ہمیں غم تھا ہماری ابتدا غم سے ہوئی تھی
اور انتہا بھی غم ہے
مگر یہ آنسوؤں کا سیل بہنے دو
کہ شاید کچھ سکوں مل جائے
میرے دیدۂ بینا کو آخری لمحے
باقر مہدی
Lehron ka Aatish Fishan
Yeh aansoo be-sabab bante nahin hain
Inhein tum sirf paani keh ke mat taalo
Bahut se haadse aaye magar yeh tsunami lehrein
Har aafat se aage hain, hamare dil hila kar
Aansuon ka sail ban kar beh raha hai
Hazaron be-sahara log
Yun bhi marne wale the
Magar zer-e-zameen paani samandar ki yeh lehrein
Jism ke tukde ko mitti bana kar kha gayi hain
Jise sab zalzale ka naam dete hain
Aakhir samandar ki yeh lehrein zameen ko chaak kar ke aayin hain
Is tarah mitti ko mitti se milati hain
Hamare ashk behne do
Ke gham har gaam rag rag mein samaya hai
Hamein gham tha, hamari ibteda gham se hui thi
Aur inteha bhi gham hai
Magar yeh aansuon ka sail behne do
Ke shayad kuch sukoon mil jaaye
Mere dida-e-bina ko aakhiri lamhe
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں