دیمک — باقر مہدی
شاعر
دیمک
خون کا ہر اک قطرہ جیسے
دیمک بن کر دوڑے
ناکامی کے زہر کو چاٹے
درد میں گھلتا جائے
چھلنی جسم سے رستے لیکن
ارمانوں کے رنگ
جن کا روپ میں آنا مشکل
اور جب بھی الفاظ میں ڈھل کر
کاغذ پر بہہ نکلے
خاکے تصویروں کے بنائے
آنکھیں تارے ہاتھ شعاعیں
دل ایک صدف ہے جس میں
کتنے سچے موتی بھرے ہوئے ہیں
باہر آتے ہی یہ موتی
شبنم بن کر اڑ جاتے ہیں
جیسے اپنا کھویا سورج ڈھونڈ رہے ہیں
میں اپنے انجام سے پہلے
شاید اک دن
ان خاکوں میں رنگ بھروں گا
یہ بھی تو ممکن ہے لیکن
میں بھی اک خاکہ بن جاؤں
جس کو دیمک چاٹ رہی ہو
باقر مہدی
Deemak
Khoon ka har ek qatra jaise
Deemak ban kar daude
Naakaami ke zehar ko chaate
Dard mein ghulta jaaye
Chhalni jism se raste lekin
Armaanon ke rang
Jin ka roop mein aana mushkil
Aur jab bhi alfaaz mein dhal kar
Kaghaz par beh nikle
Khaake tasveeron ke banaye
Aankhen taare haath shuaa'ein
Dil ek sadaf hai jis mein
Kitne sacche moti bhare hue hain
Baahar aate hi yeh moti
Shabnam ban kar ud jaate hain
Jaise apna khoya suraj dhoond rahe hain
Main apne anjaam se pehle
Shayad ek din
In khaakon mein rang bharoon ga
Yeh bhi toh mumkin hai lekin
Main bhi ek khaaka ban jaaun
Jisko deemak chaat rahi ho
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں