ایک لمبی گونج — باقر مہدی
شاعر
ایک لمبی گونج
پورب دیس سے پھر اٹھی
چیخ کی لمبی گونج
قطرے بن کر برس پڑے
ٹوٹے ٹوٹے بسمل لفظ
کانوں میں نقارے باجے
رگ رگ میں چنگاری دوڑی
دبی دبی ساری آہیں
ٹھنڈے سینوں میں ابھریں
سوکھے ہونٹوں سے نکلیں
بجھی بجھی سی آنکھوں میں
دیکھ امنگوں کی بلی
تڑپ تڑپ کے چمکے بجلی
لہر لہر ٹکرائے
طوفانوں کو جگائے
سنو سنو
اس پار افق کے
چیخ کی لمبی گونج
باقر مہدی
Ek Lambi Goonj
Poorab des se phir uthi
Cheekh ki lambi goonj
Qatre ban kar baras pade
Toote toote bismil lafz
Kaanon mein naqaare baaje
Rag rag mein chingaari daudi
Dabi dabi saari aahein
Thande seenon mein ubhrein
Sookhe honton se niklein
Bujhi bujhi si aankhon mein
Dekh umangon ki bali
Tadap tadap ke chamke bijli
Lehar lehar takraaye
Toofanon ko jagaaye
Suno suno
Is paar ufuq ke
Cheekh ki lambi goonj
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں