اوروں پہ اتفاق سے سبقت ملی مجھے — باقر مہدی
شاعر
اوروں پہ اتفاق سے سبقت ملی مجھے
اوروں پہ اتفاق سے سبقت ملی مجھے
بھولے سے سرکشی کی روایت ملی مجھے
غیروں کی دوستی سے کسے ہمدمی ملی
سب سے بچھڑ کے اپنی رفاقت ملی مجھے
شہروں میں بھی سراب کی تحریر پڑھ سکا
نا بینا فلسفی کی بصارت ملی مجھے
بس میرا ذکر آتے ہی محفل اجڑ گئی
شیطاں کے بعد دوسری شہرت ملی مجھے
دنیا میں روز حشر کا ہنگام دیکھ کر
محجوب سر برہنہ قیامت ملی مجھے
کچھ دل خراش شعر کہے اور چل بسا
ہاں زندگی میں اتنی ہی مہلت ملی مجھے
سوچا تھا اپنے عہد کا اک مرثیہ لکھوں
باقرؔ غزل ہی کہنے کی فرصت ملی مجھے
باقر مہدی
Auron pe ittifaq se sabqat mili mujhe
Auron pe ittifaq se sabqat mili mujhe
Bhole se sarkashi ki riwayat mili mujhe
Ghairon ki dosti se kise hamdami mili
Sab se bichhaD ke apni rafaqat mili mujhe
Shehron mein bhi sarab ki tehreer paRh saka
Na-beena falsafi ki basarat mili mujhe
Bas mera zikr aate hi mehfil ujaD gayi
Shaitan ke baad doosri shohrat mili mujhe
Duniya mein roz-e-hashr ka hangam dekh kar
Mehboob sar-ba-rehni qayamat mili mujhe
Kuchh dil-kharash sher kahe aur chal basa
Haan zindagi mein itni hi mohlat mili mujhe
Socha tha apne ahd ka ek marsiya likhoon
Baqirؔ ghazal hi kehne ki fursat mili mujhe
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں