بہت ہے ایک نظر — باقر مہدی
شاعر
بہت ہے ایک نظر
قدم قدم پہ مجھے یہ خیال آتا ہے
تری نظر کا سہارا ملے تو کیا کم ہے!
خزاں میں رہ کے بہاروں کی آرزو نہ کروں
جو زخم دل بھی مہک کر کھلے تو کیا کم ہے!
ہزار چاک ہیں دامان زندگی کے مگر
جو ایک چاک گریباں سلے تو کیا کم ہے!
تمام تیرہ منازل سے میں گزر جاؤں
جو ایک شمع محبت جلے تو کیا کم ہے!
وہ گیت جو مرے ہونٹوں پہ آ نہیں سکتا
وہ اشک غم کے سہارے ڈھلے تو کیا کم ہے!
رہ حیات میں دیوانگی کی منزل پر
سنبھل سنبھل دل ناداں چلے تو کیا کم ہے!
یہ گومتی یہ اودھ کی حسین رقاصہ
میں سوچتا ہوں اسے راز داں بنا ڈالوں
فضا پہ سرمئی آنچل اڑھا کے دور تلک
اسی زمیں پہ نیا آسماں بنا ڈالوں
یہ میرے اشک محبت کے پاسدار بھی ہیں
بہت ہے ایک نظر بھی جو غم کی محرم ہو
میں اس نظر سے نیا آستاں بنا ڈالوں
قدم قدم پہ مجھے یہ خیال آتا ہے
تری نظر کا سہارا ملے تو کیا کم ہے!
باقر مہدی
Bahut hai ek nazar
Qadam qadam pe mujhe yeh khayal aata hai
Teri nazar ka sahara mile to kya kam hai!
Khizaan mein reh ke bahaaron ki aarzoo na karun
Jo zakhm-e-dil bhi mehak kar khule to kya kam hai!
Hazar chaak hain daamaan-e-zindagi ke magar
Jo ek chaak-e-garebaan sile to kya kam hai!
Tamaam teerah manazil se main guzar jaaun
Jo ek shama-e-mohabbat jale to kya kam hai!
Woh geet jo mere honton pe aa nahin sakta
Woh ashk-e-gham ke sahare dhale to kya kam hai!
Rah-e-hayaat mein deewangi ki manzil par
Sambhal sambhal dil-e-nadaan chale to kya kam hai!
Yeh Gomti yeh Awadh ki haseen raqqasa
Main sochta hun use raazdaan bana daalun
Fiza pe surmayi aanchal udhaa ke door talak
Isi zameen pe naya asmaan bana daalun
Yeh mere ashk-e-mohabbat ke paasdar bhi hain
Bahut hai ek nazar bhi jo gham ki mahram ho
Main us nazar se naya aastan bana daalun
Qadam qadam pe mujhe yeh khayal aata hai
Teri nazar ka sahara mile to kya kam hai!
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں