بے خوابی کی تیسری شب — باقر مہدی
شاعر
بے خوابی کی تیسری شب
بے خوابی کی تیسری شب
بے خوابی کی تیسری شب ہے
دو آنکھیں چمک چمک کر
مجھ سے باتیں کرتی ہیں
میرے سرہانے
اک سگریٹ پیتا اجلا اجلا سایہ
انجانی خوشبو میں بسا
اڑتا اڑتا آتا ہے
چھوتے ہی کھو جاتا ہے
بے خوابی کی تیسری شب ہے
نئی کتابوں کے اوراق
کیوں حرفوں سے خالی ہیں
میں اپنی ڈائری میں لکھتا ہوں
بے چینی مرے قلم سے
ننھے لفظوں میں ٹپک رہی ہے
پھر کیسے رگ رگ میں واپس اڑ کر آ جاتی ہے
باقر مہدی
Be-khwaabi ki teesri shab
Be-khwaabi ki teesri shab
Be-khwaabi ki teesri shab hai
Do aankhein chamak chamak kar
Mujh se baatein karti hain
Mere sirhane
Ek cigarette peeta ujla ujla saaya
Anjani khushboo mein basa
Udata udata aata hai
Chhoote hi kho jaata hai
Be-khwaabi ki teesri shab hai
Nayi kitaabon ke auraaq
Kyon harfon se khaali hain
Main apni diary mein likhta hun
Be-chaini mere qalam se
Nannhe lafzon mein tapak rahi hai
Phir kaise rag rag mein waapas ud kar aa jaati hai
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں