چاہا بہت کہ عشق کی پھر ابتدا نہ ہو — باقر مہدی
شاعر
چاہا بہت کہ عشق کی پھر ابتدا نہ ہو
چاہا بہت کہ عشق کی پھر ابتدا نہ ہو
رسوائیوں کی اپنی کہیں انتہا نہ ہو
جوش وفا کا نام جنوں رکھ دیا گیا
اے درد آج ضبط فغاں سے سوا نہ ہو
یہ غم نہیں کہ تیرا کرم ہم پہ کیوں نہیں
یہ تو ستم ہے تیرا کہیں سامنا نہ ہو
کہتے ہیں ایک شخص کی خاطر جیے تو کیا
اچھا یوں ہی سہی تو کوئی آسرا نہ ہو
یہ عشق حد غم سے گزر کر بھی راز ہے
اس کشمکش میں ہم سا کوئی مبتلا نہ ہو
اس شہر میں ہے کون ہمارا ترے سوا
یہ کیا کہ تو بھی اپنا کبھی ہمنوا نہ ہو
باقر مہدی
Chaha bahut ki ishq ki phir ibtida na ho
Chaha bahut ki ishq ki phir ibtida na ho
Ruswaiyon ki apni kahin intiha na ho
Josh-e-wafa ka naam junoon rakh diya gaya
Ai dard aaj zabt-e-fughan se siwa na ho
Ye gham nahin ki tera karam hum pe kyon nahin
Ye to sitam hai tera kahin saamna na ho
Kahte hain ek shakhs ki khatir jiye to kya
Achha yun hi sahi to koi aasra na ho
Ye ishq hadd-e-gham se guzar kar bhi raaz hai
Is kashmakash mein hum sa koi mubtala na ho
Is shahr mein hai kaun hamara tere siwa
Ye kya ki tu bhi apna kabhi hamnawa na ho
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں