دیوانگی کی راہ میں گم سم ہوا نہ تھا! — باقر مہدی
شاعر
دیوانگی کی راہ میں گم سم ہوا نہ تھا!
دیوانگی کی راہ میں گم سم ہوا نہ تھا!
دنیا میں اپنا کوئی کہیں آشنا نہ تھا!
دھڑکن کا درد جسم کو تڑپا کے رہ گیا
رگ رگ میں ایک شور مسیحا بپا نہ تھا!
اک کشمکش کے بعد تعلق نہیں رہا
بیگانہ ہو کے ہم سے وہ لیکن خفا نہ تھا!
دیوار و در پہ پردے لٹکتے تھے ہر طرف
افلاس کونے کونے میں لیکن چھپا نہ تھا!
زنجیریں لاکھ ٹوٹیں مگر خوف حکمراں
مجبوریوں کے جال سے کوئی رہا نہ تھا!
اک اپنی چیخ سے لرز اٹھے تھے بام و در
آئی نہ بازگشت کوئی ہم نوا نہ تھا!
آتے رہے نہ جانے کہاں سے خطوں پہ خط
بے نور چشم نم نے کسی کو پڑھا نہ تھا!
باقر مہدی
Deewangi ki raah mein gum sum hua na tha!
Deewangi ki raah mein gum sum hua na tha!
Duniya mein apna koi kahin aashna na tha!
Dhadkan ka dard jism ko tadpa ke rah gaya
Rag rag mein ek shor maseeha bapa na tha!
Ek kashmakash ke baad ta'alluq nahin raha
Begana ho ke hum se woh lekin khafa na tha!
Deewar-o-dar pe parde latakte the har taraf
Iflas kone kone mein lekin chhupa na tha!
Zanjeerein lakh tootein magar khauf-e-hukmaraan
Majbooriyon ke jaal se koi riha na tha!
Ek apni cheekh se laraz uthe the baam-o-dar
Aayi na bazgasht koi ham-nawa na tha!
Aate rahe na jaane kahan se khaton pe khat
Be-noor chashm-e-nam ne kisi ko padha na tha!
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں