دشمن جاں کوئی بنا ہی نہیں — باقر مہدی
شاعر
دشمن جاں کوئی بنا ہی نہیں
دشمن جاں کوئی بنا ہی نہیں
اتنے ہم لائق جفا ہی نہیں
آزما لو کہ دل کو چین آئے
یہ نہ کہنا کہیں وفا ہی نہیں
ہم پشیماں ہیں وہ بھی حیراں ہیں
ایسا طوفاں کبھی اٹھا ہی نہیں
جانے کیوں ان سے ملتے رہتے ہیں
خوش وہ کیا ہوں گے جب خفا ہی نہیں
تم نے اک داستاں بنا ڈالی
ہم نے تو راز غم کہا ہی نہیں
غم گسار اس طرح سے ملتے ہیں
جیسے دنیا میں کچھ ہوا ہی نہیں
اے جنوں کون سی یہ منزل ہے
کیا کریں کچھ ہمیں پتا ہی نہیں
موت کے دن قریب آ پہنچے
ہائے ہم نے تو کچھ کیا ہی نہیں
باقر مہدی
Dushman-e-jaan koi bana hi nahin
Dushman-e-jaan koi bana hi nahin
Itne hum laaiq-e-jafa hi nahin
Aazma lo ki dil ko chain aaye
Ye na kehna kahin wafa hi nahin
Hum pasheman hain wo bhi hairan hain
Aisa toofan kabhi utha hi nahin
Jaane kyon un se milte rahte hain
Khush wo kya honge jab khafa hi nahin
Tum ne ek dastaan bana dali
Hum ne to raaz-e-gham kaha hi nahin
Gham-gusaar is tarah se milte hain
Jaise duniya mein kuchh hua hi nahin
Ai junoon kaun si ye manzil hai
Kya karen kuchh hamen pata hi nahin
Maut ke din qareeb aa pahunche
Haay hum ne to kuchh kiya hi nahin
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں