ہزار چاہا لگائیں کسی سے دل لیکن (ردیف .. ا) — باقر مہدی
شاعر
ہزار چاہا لگائیں کسی سے دل لیکن (ردیف .. ا)
ہزار چاہا لگائیں کسی سے دل لیکن
بچھڑ کے تجھ سے ترے شہر میں رہا نہ گیا
کبھی یہ سوچ کے روئے کہ مل سکے تسکیں
مگر جو رونے پہ آئے تو پھر ہنسا نہ گیا
کبھی تو بھول گئے پی کے نام تک ان کا
کبھی وہ یاد جو آئے تو پھر پیا نہ گیا
سنایا کرتے تھے دل کو حکایت دوراں
مگر جو دل نے کہا ہم سے وہ سنا نہ گیا
سمجھ میں آنے لگا جب فسانۂ ہستی
کسی سے حال دل زار پھر کہا نہ گیا
باقر مہدی
Hazaar chaha lagayein kisi se dil lekin (radeef .. a)
Hazaar chaha lagayein kisi se dil lekin
Bichhad ke tujh se tere shahr mein raha na gaya
Kabhi ye soch ke roye ki mil sake taskeen
Magar jo rone pe aaye to phir hansa na gaya
Kabhi to bhool gaye pee ke naam tak un ka
Kabhi wo yaad jo aaye to phir piya na gaya
Sunaya karte the dil ko hikayat-e-dauraan
Magar jo dil ne kaha hum se wo suna na gaya
Samajh mein aane laga jab fasana-e-hasti
Kisi se haal-e-dil-e-zaar phir kaha na gaya
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں