عشق کی ساری باتیں اے دل پاگل پن کی باتیں ہیں — باقر مہدی
شاعر
عشق کی ساری باتیں اے دل پاگل پن کی باتیں ہیں
عشق کی ساری باتیں اے دل پاگل پن کی باتیں ہیں
زلف سیہ کے سائے میں بھی دار و رسن کی باتیں ہیں
ویرانوں میں جا کے دیکھو کیسے کیسے پھول کھلے ہیں
دیوانوں کے ہونٹوں پر اب سرو و سمن کی باتیں ہیں
کل تک اپنے خون کے آنسو مٹی میں مل جاتے تھے
آج اسی مٹی سے پیدا نظم چمن کی باتیں ہیں
ٹھوکر کھاتے پھرتے ہیں اک صبح یہاں اک شام وہاں
آوارہ کی ساری باتیں کوہ و دمن کی باتیں ہیں
دیکھیں کب کرنیں ابھریں گی دیکھیں کب تارے ڈوبیں گے
ہجر کی شب میں اب تک یارو صبح وطن کی باتیں ہیں
باقر مہدی
Ishq ki saari baatein ae dil paagal-pan ki baatein hain
Ishq ki saari baatein ae dil paagal-pan ki baatein hain
Zulf-e-siyah ke saaye mein bhi daar-o-rasan ki baatein hain
Veeranon mein ja ke dekho kaise kaise phool khile hain
Deewanon ke honton par ab sarv-o-saman ki baatein hain
Kal tak apne khoon ke aansoo mitti mein mil jaate the
Aaj isi mitti se paida nazm-e-chaman ki baatein hain
Thokar khaate phirte hain ik subah yahan ik shaam wahan
Aawaara ki saari baatein koh-o-daman ki baatein hain
Dekhein kab kirnein ubhrein gi dekhein kab taare doobenge
Hijr ki shab mein ab tak yaaro subah-e-watan ki baatein hain
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں