جہنم — باقر مہدی
شاعر
جہنم
جب پاس نہیں کچھ بھی میرے
خواہش مقصد آدرش کے ٹوٹے آئینے
پھر گردش روز و شب کا مجھے احساس ہے کیوں
کیا غم مجھ کو جب صبح کی کوئی فکر نہیں
اور شام الم سے ڈر بھی نہیں
وہ پاؤں میں اب چکر بھی نہیں
سائے کی کوئی حاجت بھی نہیں
اب موت کا کھٹکا کوئی خلش موہوم تمنا کا ارماں
کچھ بھی تو نہیں
پھر کیسے میں کہتا ہوں مجھے
موسم کے بدلتے رنگوں کا احساس ہے بس
ایسا تو نہیں میں مر بھی چکا
اور کوئی نہیں ہے نوحہ کناں
(ماضی کی روایت، ،حال کا غم فردا کی امیدیں کیا ہوں گی)
جب ان سے نہیں میں وابستہ
پھر کیا ہے کوئی راز تو ہے
اک آگ سی جلتی رہتی ہے رگ رگ میں مری
اک بے معنی سا درد مرا احساس جگاتا رہتا ہے
اس طرح کہ میں سب کچھ یونہی محسوس کروں اور کچھ نہ کہوں
جب تک یہ جہنم روشن ہے
میں زندہ ہوں
باقر مہدی
Jahannum
Jab paas nahin kuch bhi mere
Khwahish maqsad aadarsh ke toote aayine
Phir gardish-e-roz-o-shab ka mujhe ehsaas hai kyon
Kya gham mujh ko jab subah ki koi fikr nahin
Aur shaam-e-alam se dar bhi nahin
Woh paaon mein ab chakkar bhi nahin
Saaye ki koi haajat bhi nahin
Ab maut ka khatka koi khalish mohoom tamanna ka armaan
Kuch bhi to nahin
Phir kaise main kehta hun mujhe
Mausam ke badalte rangon ka ehsaas hai bas
Aisa to nahin main mar bhi chuka
Aur koi nahin hai nauha kunaan
(Maazi ki riwayat, haal ka gham farda ki ummeedein kya hon gi)
Jab un se nahin main waabasta
Phir kya hai koi raaz to hai
Ek aag si jalti rehti hai rag rag mein meri
Ek be-maani sa dard mera ehsaas jagata rehta hai
Is tarah ke main sab kuch yunhi mehsoos karun aur kuch na kahun
Jab tak yeh jahannum roshan hai
Main zinda hun
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں