میرا جنم دن — باقر مہدی
شاعر
میرا جنم دن
ذہن پہ اک گھٹا سی چھائی ہے
لفظوں کی انجانی بوندیں برس رہی ہیں
کوئی معنی شاید نکلیں؟
زخمی طائر میرے قلم سے لپٹ گیا
اور اس کے پہلو میں اک ننھا سا تیر ہے
تیر میں اک کاغذ بھی ہے
اب کے میرے جنم دن پر
کس نے مجھ کو یاد کیا ہے؟
میں نے کاغذ کھول کے دیکھا
کچھ بھی نہ تھا
صرف ٹوٹی ٹوٹی چند لکیریں تھیں
ایسے خط آتے رہتے ہیں
نام نہیں ہوتا جن پر
بات نہیں بنتی لیکن
بات بنے گی کیسے؟
جب پہلو میں خار لگا ہو
آنکھوں میں نم آ بھی چکا ہو
جنم جنم کے سودے میں تم
سب سے آگے نکل گئے ہو
سارے ساتھی چھوٹ گئے
غم کے چھالے پھوٹ گئے
جینے کی امید نہیں ہے
پھر بھی تم اب تک جیتے ہو
عمر تمہاری موت سے آگے نکل گئی ہے
سناٹے میں جینا کتنا مشکل ہے
خواہش کے صدمے بھی نہیں ہیں
باقر مہدی
Mera janam din
Zehan pe ek ghata si chhai hai
Lafzon ki anjaani boondein baras rahi hain
Koi maani shayad niklein?
Zakhmi taair mere qalam se lipat gaya
Aur us ke pehlu mein ek nanha sa teer hai
Teer mein ek kaghaz bhi hai
Ab ke mere janam din par
Kis ne mujh ko yaad kiya hai?
Main ne kaghaz khol ke dekha
Kuchh bhi na tha
Sirf tooti tooti chand lakeerein thien
Aise khat aate rehte hain
Naam nahin hota jin par
Baat nahin banti lekin
Baat banegi kaise?
Jab pehlu mein khaar laga ho
Aankhon mein nam aa bhi chuka ho
Janam janam ke saude mein tum
Sab se aage nikal gaye ho
Saare saathi chhoot gaye
Gham ke chhaale phoot gaye
Jeene ki umeed nahin hai
Phir bhi tum ab tak jeete ho
Umar tumhari maut se aage nikal gai hai
Sannate mein jeena kitna mushkil hai
Khwahish ke sadme bhi nahin hain
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں