تباہ ہو کے بھی اک اپنی آن باقی ہے — باقر مہدی
شاعر
تباہ ہو کے بھی اک اپنی آن باقی ہے
تباہ ہو کے بھی اک اپنی آن باقی ہے
بغاوتوں کی تڑپ غم کی جان باقی ہے
خلا میں ڈوب کے ہم کو بھی یہ ہوا معلوم
کہ کچھ نہیں ہے مگر آسمان باقی ہے
یہ مت کہو کہ لٹی کائنات درد تمام
کہ زخم زخم یہ سارا جہان باقی ہے
میں کیسے چھوڑ دوں ٹوٹے ہوئے در و دیوار
شکستہ خواب کا تنہا مکان باقی ہے
نہ ختم ہوں گے مصائب کے سلسلے باقرؔ
ہزار خار ہوئے امتحان باقی ہے
باقر مہدی
Tabah ho ke bhi ek apni aan baqi hai
Tabah ho ke bhi ek apni aan baqi hai
Baghavaton ki taDap gham ki jaan baqi hai
Khala mein doob ke hum ko bhi yeh hua maaloom
Ke kuchh nahin hai magar aasman baqi hai
Yeh mat kaho ke luTi kainat-e-dard tamam
Ke zakhm zakhm yeh sara jahan baqi hai
Main kaise chhoD doon TooTe hue dar-o-diwar
Shikasta khwab ka tanha makan baqi hai
Na khatm honge masaib ke silsile Baqirؔ
Hazaar khaar hue imtihan baqi hai
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں