ٹوٹے شیشے کی آخری نظم — باقر مہدی
شاعر
ٹوٹے شیشے کی آخری نظم
ٹوٹے شیشے کی آخری نظم
بھاگتے وقت کو میں آج پکڑ لایا ہوں
یہ مرا وقت مرے ذہن کی تخلیق سہی
رات اور دن کے تسلسل کو پریشاں کر کے
میں نے لمحات کو اک روپ دیا
صبح کو رات کی زنجیر سے آزاد کیا
خواب و بیدی کی دیوار گرا دی میں نے
زندگی موت سے کب تک یوں ہراساں رہتی
کیا ہوا وقت و حقیقت کا زوال
میں
اپنی ٹوٹی ہوئی زنجیر کہاں دفن کروں
ہر طرف قبریں مجاور ہیں
دیوتاؤں کے مقدس اجسام
ہر جگہ دفن ہیں
کوئی ویرانہ نہیں دور تلک
کیا مجھے اپنے ہی ذہن کے اس گوشے میں
ٹوٹے آدرشوں کے آئینے میں
وقت کے عکس کو دفنانا ہے
باقر مہدی
Toote sheeshe ki aakhri nazm
Toote sheeshe ki aakhri nazm
Bhaagte waqt ko main aaj pakad laaya hun
Yeh mera waqt mere zehn ki takhleeq sahi
Raat aur din ke tasalsul ko pareshan kar ke
Main ne lamhaat ko ek roop diya
Subah ko raat ki zanjeer se azad kiya
Khwab-o-bedi ki deewar gira di main ne
Zindagi maut se kab tak yoon harasaan rehti
Kya hua waqt-o-haqeeqat ka zawaal
Main
Apni tooti hui zanjeer kahaan dafan karun
Har taraf qabrein mujawir hain
Devtaon ke muqaddas ajsaam
Har jagah dafan hain
Koi veerana nahin door talak
Kya mujhe apne hi zehn ke us goshe mein
Toote aadarshon ke aayine mein
Waqt ke aks ko dafnana hai
شاعر کے بارے میں
باقر مہدی اردو کے معروف شاعر، نقاد، دانش ور اور جدید حسیت کے نمائندہ ادیب تھے، جنہوں نے اپنی بے باک فکر، خوددار مزاج اور غیر مصلحت پسند رویّے کے باعث اردو ادب میں منفرد مقام حاصل کیا۔ وہ 11 فروری 1927ء کو رُدولی، ضلع بارہ بنکی، اتر پردیش میں ایک علمی اور زمیندار گھرانے میں پیدا ہوئے۔ ان کے والد رزم رودولوی خود شاعر تھے، اس لیے گھر کا ماحول ادبی ...
مکمل تعارف پڑھیں