آرزو تدبیر ہو کر رہ گئی — کرشن موہن
شاعر
آرزو تدبیر ہو کر رہ گئی
آرزو تدبیر ہو کر رہ گئی
جستجو تاخیر ہو کر رہ گئی
سرد سناٹا مسلط ہو گیا
بے حسی زنجیر ہو کر رہ گئی
سوچ کی آواز کتنی تیز ہے
خامشی تقریر ہو کر رہ گئی
جب بھی کی تحریر اپنی داستاں
تیری ہی تصویر ہو کر رہ گئی
کاٹ ہے الفاظ کی کتنی شدید
گفتگو شمشیر ہو کر رہ گئی
آہ یہ دن رین کی بے چین سوچ
جو مری تقدیر ہو کر رہ گئی
صید تخریب خرد ہے زندگی
حسرت تعمیر ہو کر رہ گئی
حرف سنجیدہ تھی روداد خرد
کتنی بے تاثیر ہو کر رہ گئی
عہد حاضر کی کتابی شاعری
فکر کی جاگیر ہو کر رہ گئی
میرے فکر و فن کی عظمت آخرش
شوخی تحریر ہو کر رہ گئی
کرشنؔ موہن خواب کی تعبیر بھی
درد کی تفسیر ہو کر رہ گئی
Ārzū tadbīr ho kar rah gaī
Ārzū tadbīr ho kar rah gaī
Justujū ta'khīr ho kar rah gaī
Sard sannāṭā musallat ho gayā
Be-hasī zanjīr ho kar rah gaī
Soch kī āvāz kitnī tez hai
Khāmoshi taqrīr ho kar rah gaī
Jab kabhī kī ta'hrīr apnī dāstāñ
Terī hī tasveer ho kar rah gaī
Kāṭ hai alfāz kī kitnī shadīd
Guftugū shamsheer ho kar rah gaī
Āh yeh din rain kī bechain soch
Jo mirī taqdīr ho kar rah gaī
Said-e-takhreeb-e-khirad hai zindagī
Hasrat-e-ta'meer ho kar rah gaī
Harf sanjīdah thī rūdād-e-khirad
Kitnī be-tā'sīr ho kar rah gaī
Ahd-e-hāzir kī kitābī shā'irī
Fikr kī jāgīr ho kar rah gaī
Mere fikr-o-fan kī azmat ākhirash
Shokhī-e-ta'hrīr ho kar rah gaī
Krishan Mohan khwāb kī ta'bīr bhī
Dard kī tafseer ho kar rah gaī
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں