رہن زمن — کرشن موہن
شاعر
رہن زمن
میں ایک شاعر بے فکر محو فکر سخن
مگر پیاز کے نرخوں کے یہ نشیب و فراز
مرے معاش پہ ہوتے تو ہیں اثر انداز
کہ میں بھی فرد بشر ہوں مجھے بھی جینا ہے
مرا وجود مری بود و باش رہن زمن
ادائے حسن مرے دل میں رنگ بھرتی ہے
مگر کچھ اور حقائق بھی ہیں معیشت کے
ہر ایک چیز کی مہنگائی دنگ کرتی ہے
ہجوم شہر مری شوق لہر کا دشمن
مجھے بھی دیتا ہے اک اضطراب اور الجھن
بہت سے کام ضروری ہیں زندگی کے لئے
کہ شعر شغل ہمہ وقت ہو نہیں سکتا
حیات مانگتی ہے رہن صحن کے سادھن
مرا وجود مری بود و باش رہن زمن
Rehan-e-Zaman
Main ek shayar-e-be-fikar mahw-e-fikr-e-sukhan
Magar pyaaz ke narkhon ke yeh nasheb-o-faraz
Mere mu'aash pe hote to hain asar andaaz
Ke main bhi fard-e-bashar hoon mujhe bhi jeena hai
Mera wajood meri bood-o-bash rehan-e-zaman
Adaaye husn mere dil mein rang bharti hai
Magar kuch aur haqaiq bhi hain maeeshat ke
Har ek cheez ki mahngai dang karti hai
Hujoom-e-shehar meri shauq lahar ka dushman
Mujhe bhi deta hai ik iztiraab aur uljhan
Bahut se kaam zaroori hain zindagi ke liye
Ke sher shughl-e-hama waqt ho nahin sakta
Hayaat mangti hai rehan-e-sehan ke saadhn
Mera wajood meri bood-o-bash rehan-e-zaman
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں