رقص کے بعد — کرشن موہن
شاعر
رقص کے بعد
بعد رقص اس کی نظر
پڑ گئی جو پاؤں پر
مور اشک افشاں ہوا
مورنی یہ دیکھ کر
پیار سے پاس آ گئی
مور کی غمگیں ادا
مورنی کو بھا گئی
سارے آنسو مور کے
مورنی نے پی لیے
زخم اپنے سی لیے
اس ملن سے دید سے
ہو گئی امید سے
طائر خوش رنگ کا
مسلک تخلیق بھی
کس قدر ہے خوش نما
اور ہر اک سے جدا
کرشن موہنؔ جانور
جن میں ہے شامل بشر
سب ہیں وقف اختلاط
اس سمے محو نشاط
مور مستثنیٰ مگر
جس کا رومانی ملن
اشک آور غم اثر
Raqs ke Baad
Baad-e-raqs us ki nazar
Pad gayi jo paaon par
Mor ashk afshan hua
Morni yeh dekh kar
Pyaar se paas aa gayi
Mor ki ghamgeen ada
Morni ko bha gayi
Saare aansoo mor ke
Morni ne pee liye
Zakhm apne see liye
Is milan se deed se
Ho gayi umeed se
Taair-e-khush rang ka
Maslak-e-takhleeq bhi
Kis qadar hai khush numa
Aur har ek se juda
Krishan Mohan, jaanwar
Jin mein hai shamil bashar
Sab hain waqf-e-ikhtilaat
Is samay mahw-e-nishaat
Mor mustasna magar
Jis ka romani milan
Ashk aawar gham asar
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں