گوتم کے پیرو — کرشن موہن
شاعر
گوتم کے پیرو
گوتم کے کشکول میں باسی مانس کی بھکشا
اس کی مرتیو ٹھہری تھی
اس کی شکشا گہری تھی
لیکن اندھیارے میں لپٹی
اس کو ایشور دھیان ہوا تھا
لیکن ایشور گیان ہوا کب
میں کہتا ہوں
گوتم کو نروان ہوا کب
جیووں کی ہتیا دھرم نہیں ہے اس نے سکھایا
لیکن مانس اس نے خود کھایا
شاید اس کی مجبوری تھی
آج اس کے پیرو دنیا میں
مانس کو سانس سمجھ بیٹھے ہیں
گوتم کے پیروکاروں کے دیشوں کے کچھ بازاروں میں
جانوروں کے ہتیاروں کی دوکانوں پر
ایسے بورڈ بھی آویزاں ہیں
جن پہ لکھا ہے
ایسے جانوروں کا مانس یہاں بکتا ہے
جن کو آپ کی خاطر ہتیایا نہ گیا تھا
ناداں انسان
اپنے ہی وشواس انوسار اعمال کا مطلب لے لیتا ہے
خود کو دھوکا دے لیتا ہے
بدھ کے پیرو جانوروں اور انسانوں سے پہلا پیار کہاں کرتے ہیں
آج انہوں نے
اس کی شکشا کا بھی روپ بدل ڈالا ہے
اس کو اپنا ہادی جانیں
لیکن اس کی بات نہ مانیں
گوتم اب تو زندہ نہیں تابندہ نہیں ہے
اس کی پہلی مرتیو ہوئی تھی صدیوں پہلے
دوسری مرتیو آج ہوئی ہے
من کی دنیا اب کتنی تاراج ہوئی ہے
Gautam ke Pairau
Gautam ke kashkol mein baasi maans ki bhiksha
Us ki mrityu thehri thi
Us ki shiksha gehri thi
Lekin andhiyare mein lipati
Us ko Ishwar dhyaan hua tha
Lekin Ishwar gyaan hua kab
Main kehta hoon
Gautam ko nirvaan hua kab
Jeevon ki hatya dharm nahin hai us ne sikhaya
Lekin maans us ne khud khaya
Shayad us ki majboori thi
Aaj us ke pairau duniya mein
Maans ko saans samajh baithe hain
Gautam ke pairaukaron ke deshon ke kuch bazaaron mein
Janwaron ke hatiyaron ki dukano par
Aise board bhi aawizaan hain
Jin pe likha hai
Aise janwaron ka maans yahan bikta hai
Jin ko aap ki khatir hatyaaya na gaya tha
Nadaan insaan
Apne hi vishwaas anusaar aamaal ka matlab le leta hai
Khud ko dhoka de leta hai
Buddha ke pairau janwaron aur insaanon se pehla pyaar kahan karte hain
Aaj unhon ne
Us ki shiksha ka bhi roop badal dala hai
Us ko apna haadi jaanein
Lekin us ki baat na maanein
Gautam ab to zinda nahin tabinda nahin hai
Us ki pehli mrityu hui thi sadiyon pehle
Doosri mrityu aaj hui hai
Man ki duniya ab kitni taaraaj hui hai
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں