البیلی کامنی کہ نشیلی گھڑی ہے شام — کرشن موہن
شاعر
البیلی کامنی کہ نشیلی گھڑی ہے شام
البیلی کامنی کہ نشیلی گھڑی ہے شام
سر مستیوں کی سیج پہ ننگی پڑی ہے شام
بے کل کیے ہے رین کے رسیا کا انتظار
غمگیں ہے حسن شوخ کہ حیراں کھڑی ہے شام
چمکا دیا ہے اس کے شراروں نے فکر کو
احساس عشق و حسن کی اک پھلجڑی ہے شام
تاباں ہے تیرا چہرہ کہ ہے جلوۂ سحر
رخشاں ہے تیری مانگ کہ تاروں جڑی ہے شام
روٹھے ہوئے دلوں کو بھی اس نے منا لیا
من موہنی ہے کامنی چنچل بڑی ہے شام
جانے کب آئے آج سا ہنگام دل نواز
یارو اٹھاؤ جام گھڑی دو گھڑی ہے شام
Albailī kāmnī ke nashīlī ghaṛī hai shām
Albailī kāmnī ke nashīlī ghaṛī hai shām
Sar-mastiyoñ kī sej pe nangī paṛī hai shām
Be-kal kiye hai rain ke rasiyā kā intizār
Ghamgīn hai husn-e-shokh ke hairāñ khaṛī hai shām
Chamkā diyā hai us ke sharāroñ ne fikr ko
Ehsās-e-ishq-o-husn kī ek phuljhaṛī hai shām
Tābāñ hai terā chehrah ke hai jalvah-e-sahar
Rakhshāñ hai terī māñg ke tāroñ jaṛī hai shām
Rūṭhe hu'e diloñ ko bhī us ne manā liyā
Man-mohanī hai kāmnī chanchal baṛī hai shām
Jaane kab āye āj sā hangām-e-dil-navāz
Yāro uṭhā'o jām ghaṛī do ghaṛī hai shām
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں