اندر کا چمکیلا ہیرا — کرشن موہن
شاعر
اندر کا چمکیلا ہیرا
کتنے دنوں تک
راجا کے دربار میں اک سادھو آتا تھا
جو اس کو روز اک پھل دے جاتا تھا
راجا بے حس بے پروا سا
اس پھل کو مخزن کے اک کونے میں پھینک دیا کرتا تھا
اک دن جب وہ سادھو آیا
راجا کے بندر نے اس سے وہ پھل چھینا
اور جو کھایا تو اس میں سے
ایک چمکتا ہیرا نکلا
راجا حیراں سادھو غائب
راجا پھر مخزن کے اس کونے میں پہنچا
اور وہاں دیکھا ہیروں کا ڈھیر لگا تھا
اور پھل کے چھلکے بکھرے تھے
کون تھا وہ سادھو اور آج کہاں غائب ہے
وہ پھل کیا ہے جو ہر روز ملے ہم کو لیکن ہم اس کا
انتر دیکھ نہ پائیں اس کی قدر نہ جانیں
ظاہر کے سادھارن روپ میں اندر کا چمکیلا ہیرا
جس نے بھی پہچانا اپنے آپ کو جانا
باہر سے معمولی لگنے والے پھل کو پھینک دیا تو
اس کے اندر کا ہیرا اوجھل ہی رہے گا
Andar Ka Chamkeela Heera
Kitne dinon tak
Raja ke darbar mein ek sadhu aata tha
Jo usko roz ek phal de jata tha
Raja be-hiss be-parwah sa
Is phal ko makhzan ke ek kone mein phenk diya karta tha
Ek din jab woh sadhu aaya
Raja ke bandar ne us se woh phal chheena
Aur jo khaya to us mein se
Ek chamakta heera nikla
Raja hairan sadhu ghaayab
Raja phir makhzan ke us kone mein pahuncha
Aur wahan dekha heeron ka dher laga tha
Aur phal ke chhilke bikhre the
Kaun tha woh sadhu aur aaj kahan ghaayab hai
Woh phal kya hai jo har roz mile humko lekin hum is ka
Antar dekh na payein is ki qadar na jaanein
Zahir ke sadharan roop mein andar ka chamkeela heera
Jis ne bhi pehchana apne aap ko jaana
Bahar se mamooli lagne wale phal ko phenk diya to
Is ke andar ka heera ojhal hi rahega
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں