اپنے پرتو ہی میں خالق نے بنایا ہے مجھے — کرشن موہن
شاعر
اپنے پرتو ہی میں خالق نے بنایا ہے مجھے
اپنے پرتو ہی میں خالق نے بنایا ہے مجھے
زعم دارائی اسی وجہ سے آیا ہے مجھے
کس کا غم ہوں کہ مشیت نے منایا ہے مجھے
کس کا دل ہوں کہ دو عالم سے لگایا ہے مجھے
محو حیرت ہے تری شعبدہ بازی پر دل
یہ بنایا ہے کہ اس طور مٹایا ہے مجھے
یاس اور آس کا اک سوز بھرا نغمہ ہوں
ساز احساس پہ ارمانوں نے گایا ہے مجھے
چند لمحات کی سطحی سی مسرت کے لیے
لال انگاروں پہ خواہش نے نچایا ہے مجھے
حسرت و رنج ہو یا عشرت و سر مستی ہو
ایک ہی رنگ میں احباب نے پایا ہے مجھے
دم تو لینے دو ذرا ٹھہرو بھیانک سپنو
تھپکیاں دے کے امیدوں نے سلایا ہے مجھے
صاحبو کوئے ملامت میں ندامت کیسی
شوق رسوائی یہاں کھینچ کے لایا ہے مجھے
دل کہے میں ہوں فسردہ مرا ہنسنا معلوم
وہ خرابہ ہوں کہ حسرت نے بسایا ہے مجھے
روز و شب پھرتا ہوں آشفتہ سر و آوارہ
اس قدر تیری محبت نے ستایا ہے مجھے
آنکھیں چنچل ہیں مگر من ہے مرا بیراگی
کرشن موہنؔ یہ ملن موہ کی مایا ہے مجھے
Apne partau hī meñ Khāliq ne banāyā hai mujhe
Apne partau hī meñ Khāliq ne banāyā hai mujhe
Za'm-e-dārā'ī isī vaj'h se āyā hai mujhe
Kis kā gham hooñ ke mashiyat ne manāyā hai mujhe
Kis kā dil hooñ ke do ālam se lagāyā hai mujhe
Mahv-e-hairat hai terī shobadah-bāzī par dil
Yeh banāyā hai ke is taur miṭāyā hai mujhe
Yaas aur aas kā ek soz bharā naghma hooñ
Sāz-e-ehsās pe armānoñ ne gāyā hai mujhe
Chand lamhāt kī sathī sī masarrat ke li'e
Lāl angāroñ pe khwāhish ne nachāyā hai mujhe
Hasrat-o-ranj ho yā ishrat-o-sar-mastī ho
Ek hī rang meñ ahbāb ne pāyā hai mujhe
Dam to lene do zarā ṭhahro bhai'yānak sapno
Thapkiyāñ de ke ummīdoñ ne sulāyā hai mujhe
Sāhibo kū-e-malāmat meñ nadāmat kaisī
Shauq-e-rusvā'ī yahāñ kheñch ke lāyā hai mujhe
Dil kahe maiñ hooñ fasurdah mirā hañsnā ma'loom
Vo kharābah hooñ ke hasrat ne basāyā hai mujhe
Roz-o-shab phirtā hooñ āshuftah-sar-o-āvārah
Is qadar terī mohabbat ne satāyā hai mujhe
Āñkheñ chanchal haiñ magar man hai mirā bairāgī
Krishan Mohan yeh milan moh kī māyā hai mujhe
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں