ببیں تفاوت رہ — کرشن موہن
شاعر
ببیں تفاوت رہ
عجب تھا ہند پارینہ کا وہ قانون بھی جس میں
جو کوئی مرد آوارہ
کسی عورت کو صندل زیورات جوہر و زر پیرہن مالا شراب ارسال کرتا تو
زنا کی ایک صورت مانتے تھے اس عمل کو بھی
کیے جاتے تھے جس پر بھاری جرمانے
تعشق غیر کی بیوی سے پیغام اس کو بھجوانا
اور اس سے چھیڑ اس کا پیرہن چھونا
کسی عورت کی صحبت میں اکیلے میں مچل جانا
فلاطونی وفا کی آرزو کرنا
اور آنکھوں کے اشاروں سے رسیلی گفتگو کرنا
کسی تالاب میں اس کی معیت میں نہانا بھی
بہلنا مسکرانا بھی
زنا کی صورتیں تھیں سب
کیے جاتے تھے جرمانے ہمیشہ ان جرائم پر
عجب کردار کی پاکیزگی کا وہ تصور تھا
کہ جس میں اتنی بندش تھی
عجب تھا وہ شعار اپنا
اور اب آزادگی لہرا رہی ہے بے خطر ہو کر
کوئی بندش نہیں خواہش کی لغزش پر
غضب ہے یہ شعار اپنا
Babeen tafawut reh
Ajab tha Hind-e-parina ka woh qanoon bhi jis mein
Jo koi mard aawara
Kisi aurat ko sandal zevraat jauhar o zar pairahan mala sharab irsal karta to
Zina ki ek surat mante the is amal ko bhi
Kiye jaate the jis par bhaari jurmane
Ta'ashuq ghair ki biwi se paigham us ko bhijwana
Aur us se chhed us ka pairahan choona
Kisi aurat ki sohbat mein akele mein machal jaana
Platoni wafa ki aarzoo karna
Aur aankhon ke isharon se raseeli guftagu karna
Kisi talaab mein us ki ma'iyat mein nahana bhi
Behalna muskurana bhi
Zina ki suraten thin sab
Kiye jaate the jurmane hamesha un jara'im par
Ajab kirdar ki pakizgi ka woh tasawwur tha
Ke jis mein itni bandish thi
Ajab tha woh shi'ar apna
Aur ab azadi lahra rahi hai be-khatar ho kar
Koi bandish nahin khwahish ki laghzish par
Ghazab hai yeh shi'ar apna
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں