بھٹک کے راہ سے ہم سب کو آزما آئے — کرشن موہن
شاعر
بھٹک کے راہ سے ہم سب کو آزما آئے
بھٹک کے راہ سے ہم سب کو آزما آئے
فریب دے گئے جتنے بھی رہنما آئے
ہم ان کو حال دل زار بھی سنا آئے
کمال جرات اظہار بھی دکھا آئے
کریں تو کس سے کریں ذکر خانہ ویرانی
کہ ہم تو آگ نشیمن کو خود لگا آئے
خیال وصل میں رہتے ہیں رات بھر بیدار
تمہارے ہجر کے ماروں کو نیند کیا آئے
رہین عیش و طرب ہیں جو روز و شب ان کو
پسند کیسے مرے غم کا ماجرا آئے
کبھی ہمیں بھی میسر ہو روٹھنا ان سے
کبھی ہمارے بھی دل میں یہ حوصلہ آئے
ہر اک سے پوچھتے ہیں حال کرشن موہنؔ کا
جسے ادائے ستم سے وہ خود مٹا آئے
Bhaṭak ke rāh se ham sab ko āzmā āye
Bhaṭak ke rāh se ham sab ko āzmā āye
Fareb de ga'e jitne bhī rahnumā āye
Ham un ko hāl-e-dil-e-zār bhī sunā āye
Kamāl-e-jur'at-e-iz'hār bhī dikhā āye
Kareñ to kis se kareñ zikr-e-khāna-vīrānī
Ke ham to aag nasheman ko khud lagā āye
Khayāl-e-vasl meñ rehte haiñ rāt bhar bedār
Tumhāre hijr ke māroñ ko neend kyā āye
Rahīn-e-aish-o-tarab haiñ jo roz-o-shab un ko
Pasand kaise mire gham kā mājarā āye
Kabhī hameñ bhī muyassar ho rūṭhnā un se
Kabhī hamāre bhī dil meñ yeh hausla āye
Har ek se pūchhte haiñ hāl Krishan Mohan kā
Jise adā-e-sitam se vo khud miṭā āye
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں