دلدل — کرشن موہن
شاعر
دلدل
مرا ذہن بنتا چلا جا رہا ہے خیالات فاسد کی دلدل
کہ محسوس ہونے لگا ہے
مری زندگی میں رہے گی ہمیشہ ہوس کار فرما
ہو سرما کہ گرما
کبھی پیاس بجھتی نہیں ہے
پیوں جتنی مے
فسون ملاقات ہے باعث بے قراری
جنون ملاقات رہتا ہے طاری
کہ اکثر ملاقات ہوتی ہے لیکن ملاقات کو جی ترستا ہے پیہم
کئی بار اس کیفیت پر ہنسا ہوں
ہے یہ کیسی دلدل کہ جس میں پھنسا ہوں
ابھرتا ہوں میں اس کی گہرائی سے بھی
مگر جیسے پھر ڈوب جانے کی خاطر
غضب ہے ہوس کا یہ کس بل
مرا ذہن بنتا چلا جا رہا ہے خیالات فاسد کی دلدل
Daldal
Mera zehan banta chala ja raha hai khayalat-e-fasid ki daldal
Ki mahsoos hone laga hai
Meri zindagi mein rahegi hamesha hawus karfarma
Ho sarma ki garma
Kabhi pyaas bujhti nahin hai
Piyoon jitni mai
Fasoon-e-mulaqat hai baais-e-beqarari
Junoon-e-mulaqat rehta hai tari
Ki aksar mulaqat hoti hai lekin mulaqat ko jee tarasta hai paiham
Kai baar is kaifiyat par hansa hoon
Hai yeh kaisi daldal ki jis mein phansa hoon
Ubharata hoon main is ki gehrai se bhi
Magar jaise phir doob jaane ki khatir
Ghazab hai hawus ka yeh kis bal
Mera zehan banta chala ja raha hai khayalat-e-fasid ki daldal
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں