ہم تو اب جاتی رتیں ہیں ہم سے یہ اغماض کیوں — کرشن موہن
شاعر
ہم تو اب جاتی رتیں ہیں ہم سے یہ اغماض کیوں
ہم تو اب جاتی رتیں ہیں ہم سے یہ اغماض کیوں
جرم کیا ہم نے کیا ہے آپ ہیں ناراض کیوں
مال و زر سے بہرہ وافر نہ دینا تھا اگر
اے خدا تو نے دیا مجھ کو دل فیاض کیوں
رشتہ زر رشتہ خوں سے ہے بڑھ کر معتبر
ورنہ چاہت کے لیے قرضہ بنے مقراض کیوں
خویش بینی جب کہ اس کا کیش کم اندیش تھا
دوستی کا پاس کرتا بندہ اغراض کیوں
کیا نئی تہذیب ہے تکذیب اقدار سلیم
شہر میں پھیلے ہوئے ہیں جنس کے امراض کیوں
لطف اندوز ریاض دہر کیوں ہوتے نہیں
داورا کم ظرف ہوتے ہیں ترے مرتاض کیوں
کچھ حقائق کو اگر میں نے کیا ہے بے نقاب
ہو گئے ناراض مجھ سے شعر کے نباض کیوں
پوچھتے ہیں دے کے مجھ کو دوست داری کا فریب
کرشنؔ موہن دوستوں سے اس قدر اعراض کیوں
Ham to ab jātī rateñ haiñ ham se yeh aghmāz kyūñ
Ham to ab jātī rateñ haiñ ham se yeh aghmāz kyūñ
Jur'm kyā ham ne kiyā hai āp haiñ nārāz kyūñ
Māl-o-zar se behra-e-vāfir na denā thā agar
Ai Khudā tū ne diyā mujh ko dil-e-fai'yāz kyūñ
Rishtah-e-zar rishtah-e-khūñ se hai baṛh kar mo'tabar
Varnah chāhat ke li'e qarzah bane miqrāz kyūñ
Khvesh-bīnī jab ke us kā kesh kam-andesh thā
Dostī kā pās kartā bandah-e-aghrāz kyūñ
Kyā na'ī tahzīb hai takzīb-e-aqdār-e-salīm
Shahr meñ phaile hu'e haiñ jins ke amrāz kyūñ
Lutf-andoz-e-riyāz-e-dahr kyūñ hote nahīñ
Dāvarā kam-zarf hote haiñ tere murtāz kyūñ
Kuchh haqā'iq ko agar maiñ ne kiyā hai be-naqāb
Ho ga'e nārāz mujh se she'r ke nibbāz kyūñ
Pūchhte haiñ de ke mujh ko dost-dārī kā fareb
Krishan Mohan dostoñ se is qadar i'rāz kyūñ
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں