جنوں عرفان بن کر رہ گیا ہے — کرشن موہن
شاعر
جنوں عرفان بن کر رہ گیا ہے
جنوں عرفان بن کر رہ گیا ہے
یہ کفر ایمان بن کر رہ گیا ہے
یہ کافی گھر مری شاموں کا محور
مری پہچان بن کر رہ گیا ہے
فرشتہ جس کو بننا تھا وہ انساں
فقط حیوان بن کر رہ گیا ہے
وہ تھا اک نکتہ داں خوش فکر شاعر
مگر نادان بن کر رہ گیا ہے
سخن میرا تری بزم طرب میں
سریلی تان بن کر رہ گیا ہے
یہ کیسی محویت ہے میرا ہونا
ترا پیمان بن کر رہ گیا ہے
ہوئے نا پید احساس و تخیل
ادب بے جان بن کر رہ گیا ہے
جدیدیت میں بے چارا سخنور
خرد کی شان بن کر رہ گیا ہے
دبستان سخن اب کرشنؔ موہن
شعورستان بن کر رہ گیا ہے
Junoon irfan ban kar rah gaya hai
Junoon irfan ban kar rah gaya hai
Ye kufr imaan ban kar rah gaya hai
Ye kaafi ghar meri shaamoñ ka mehwar
Meri pehchaan ban kar rah gaya hai
Farishta jis ko banna tha wo insaañ
Faqat haiwaan ban kar rah gaya hai
Wo tha ek nukta-daan khush fikr shair
Magar nadaan ban kar rah gaya hai
Sukhan mera teri bazm-e-tarab mein
Sureeli taan ban kar rah gaya hai
Ye kaisi mehwiyat hai mera hona
Tera paimaan ban kar rah gaya hai
Hue na-paed ehsaas o takhayyul
Adab be-jaan ban kar rah gaya hai
Jadeediyat mein be-chara sukhanwar
Khirad ki shaan ban kar rah gaya hai
Dabistan-e-sukhan ab Krishn Mohan
Shau'uristan ban kar rah gaya hai
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں